ரூ.48,000 கோடி செலவில் 83 தேஜாஸ் விமானங்கள்- மத்திய அரசு முடிவு..!

83 தேஜாஸ் போர் விமானங்கள் 48 ஆயிரம் கோடி ஒப்பந்தத்திற்கு பாதுகாப்பு அமைச்சரவைக் குழு ஒப்புதல் அளித்துள்ளது.

அரசுக்கு சொந்தமான இந்துஸ்தான் ஏரோநாட்டிக்ஸ் நிறுவனத்திடமிருந்து 83 தேஜாஸ் போர் விமானங்களை ரூ .48,000 கோடிக்கு வாங்க அரசு ஒப்புதல் அளிக்கப்பட்டுள்ளது. பிரதமர் நரேந்திர மோடி தலைமையில் பாதுகாப்பு தொடர்பான அமைச்சரவை குழு இந்த முடிவை எடுத்ததாக பாதுகாப்பு அமைச்சர் ராஜ்நாத் சிங் தெரிவித்தார்.

இந்த ஒப்பந்தம் குறித்து பாதுகாப்பு அமைச்சர் ராஜ்நாத் சிங் கூறுகையில், விமானப்படையை பலப்படுத்த இந்த முடிவு எடுக்கப்பட்டுள்ளது. அதிநவீன தொழில்நுட்பத்தைப் பயன்படுத்தும் தேஜாஸ் போர் விமானங்கள், அடுத்த ஆண்டுகளில் விமானப்படையின் முதுகெலும்பாக மாறும் என்று ராஜ்நாத் சிங் தெரிவித்தார்.

தேஜாஸ் ஏவுகணைகளை காற்றில் இருந்து காற்றிலும், காற்றில் இருந்து தரையிலும் செலுத்த முடியும் . இதில் ஆண்டிஷிப் ஏவுகணைகள், குண்டுகள் மற்றும் ராக்கெட்டுகளையும் இதில் வைக்கலாம் என்று ராஜ்நாத் சிங் கூறினார். தேஜாஸ் 42% கார்பன் ஃபைபர், 43% அலுமினிய அலாய் மற்றும் டைட்டானியம் ஆகியவற்றிலிருந்து தயாரிக்கப்படுகிறது.

தேஜாஸ் ஒரு உள்நாட்டு நான்காவது தலைமுறை வால்லெஸ் கலவை டெல்டா விங் விமானமாகும். தேஜாஸ் லைட் காம்பாட் விமானம் (எல்.சி.ஏ) இந்திய விமானப்படை மேற்கு எல்லையில் பாகிஸ்தான் எல்லைக்கு அருகில் நிறுத்தப்பட்டுள்ளது.