டெல்லி வன்முறை..தலைமை கான்ஸ்டபிள் ரத்தன் லால் மரணம் தொடர்பாக 7 பேர் கைது ..

மத்திய அரசு கொண்டு வந்த குடியுரிமை திருத்த சட்டத்துக்கு எதிராக பல மாநிலங்களில் பெரும் எதிர்ப்பு தெரிவித்து போராட்டங்கள் நடைபெற்று வருகிறது.

சமீபத்தில் டெல்லியில் குடியுரிமை திருத்த சட்ட ஆதரவாளர்கள் மற்றும் எதிர்ப்பாளர்களிடையே மோதல் ஏற்பட்டது. இந்த மோதலால் ஜாப்ராபாத், மவுஜ்பூர், சந்த்பாக், பஜன்புரா போன்ற  பகுதிகள் கலவர பூமியாக மாறியது.

இந்த மோதலில் ஒருவர் மீது ஒருவர் கல்வீசி கொண்டனர். மேலும் வாகனங்களுக்கு தீ வைக்கப்பட்டன. இதனால் நிலைமையை கட்டுப்படுத்த போலீசார் முதலில் கண்ணீர் புகை குண்டுகளை வீசினர். இந்த சம்பவத்தால் 50-க்கும் மேற்பட்டோர் உயிரிழந்தனர். அதில் தலைமை காவலர் ரத்தன் லால் உயிரிழந்தார். 

இந்நிலையில் இந்த மோதல்களில் டெல்லி காவல்துறை தலைமை கான்ஸ்டபிள் ரத்தன் லால் மரணம் தொடர்பாக 7 பேரை டெல்லி போலீசார் கைது செய்துள்ளனர்.