கடவுளுக்கு பிரசாதமாக வைக்கப்பட்ட ஆப்பிள்.. 6 வயது சிறுவன் அடித்து கொலை..

கடவுளுக்கு வைக்கப்பட்ட பிரசாதத்தை சாப்பிட்ட 6 வயது சிறுவன் அடித்து கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது.

பீகாரின், கயாவில் உள்ள ஒரு பள்ளியில் துர்கா தேவிக்கு வைக்கப்பட்ட பிரசாதத்தில் இருந்து ஆப்பிள் பழத்தை எடுத்து சாப்பிட்டதற்காக 6 வயது சிறுவன் அடித்துக் கொல்லப்பட்டதாகக் கூறப்படுகிறது.

இச்சம்பவம் குறித்த விசாரணையில், பள்ளியின் உரிமையாளர்கள் அந்த 6 வயது சிறுவனை ஒரு அறைக்குள் வைத்து கொடூரமாக தாக்கியதாகவும், பின்னர் அந்த சிறுவன் பள்ளி வளாகத்திலிருந்து வெளியே தூக்கி எறியப்பட்டதாகவும் சிறுவனின் தாத்தா கூறியதாக போலீசார் தெரிவித்தனர்.

குற்றம் சாட்டப்பட்ட பள்ளி உரிமையாளர்கள் தற்போது கைது செய்யப்பட்டதாக தகவல் வெளியாகியுள்ளது.