ஆற்றில் பிக்கப் வேன் கவிழ்ந்ததில் 6 பேர் உயிரிழப்பு..!

இமாச்சலப் பிரதேசத்தின் மண்டி மாவட்டத்தில் இன்று காலை 7 தொழிலாளர்கள் பயணித்த வாகனம் ஒன்று விபத்து ஏற்பட்டத்தில் 6 பேர் உயிரிழந்தனர்.

மஹிந்திரா பிக்கப் வாகனம் மூலம் 7 தொழிலாளர்கள் மண்டியிலிருந்து, சுந்தர்நகருக்கு சென்று கொண்டிருந்தபோது ஆற்றில் வாகனம் விழுந்தபோது ஆறு பேர் சம்பவ இடத்திலேயே உயிரிழந்தனர், காயமடைந்த ஒருவர் மண்டல மருத்துவமனைக்கு கொண்டு செல்லப்பட்டார் என்று போலீசார் தெரிவித்தனர்.

பயணிகள் அனைவரும் பீகாரைச் சேர்ந்த தொழிலாளர்கள் என்று மண்டி காவல் கண்காணிப்பாளர் ஷாலினி அக்னிஹோத்ரி தெரிவித்தார். இந்த விபத்து குறித்து காவல்துறை வழக்கு பதிவு செய்துள்ளது.

ஹிமாச்சல பிரதேச விபத்தில் உயிரிழந்தவர்கள் குறித்து அறிந்து  பிரதமர் மோடி தனது வருத்தத்தைத் தெரிவித்ததோடு, துக்கமடைந்த குடும்ப உறுப்பினர்களுக்கு தனது இரங்கலையும் தெரிவித்தார். அரசு  மீட்பு மற்றும் நிவாரணப் பணிகளை மேற்கொண்டு வருவதாகவும், காயமடைந்தவர்களுக்கு விரைவாக குணமடைய வேண்டும் என்றும் அவர் தெரிவித்தார்.