கோதாவரி ஆற்றில் மூழ்கி 4 இளைஞர்கள் உயிரிழப்பு..!

தீபாவளி தினத்தன்று முலுகு மாவட்டத்தில் கோதாவரி ஆற்றில் நான்கு இளைஞர்கள் மூழ்கி உயிரிழந்தனர். சனிக்கிழமை மாலை நண்பரின் பிறந்த நாளைக் கொண்டாட சென்றபோது இந்த விபரீதம் நடந்துள்ளது.

இரண்டு பேரின் சடலங்கள் சனிக்கிழமையன்று மீட்கப்பட்ட நிலையில், மீதமுள்ளவை நேற்று காலை மீட்கப்பட்டன. இறந்த 4 பேரும் ராயவரபு பிரகாஷ் (19), தும்மா கார்த்திக் (19), கே அன்வேஷ் (20), எஸ் ஸ்ரீகாந்த் (20) என அடையாளம் காணப்பட்டுள்ளனர்.

முலுகுவில் உள்ள வெங்கடபுரம் கிராமத்தின் ரங்கராஜபுரம் காலனி அருகே இந்த சம்பவம் நிகழ்ந்துள்ளது. இது குறித்து பேசிய இன்ஸ்பெக்டர் கே.சிவா பிரசாத், ஆற்றில் மூழ்கிய நான்கு இளைஞர்கள் அந்த இடத்தில் அதன் ஆழத்தை குறைத்து மதிப்பிட்டுள்ளனர். ஏனெனில் அந்த இடத்தில் ஒரு பழைய மணல் வளைவு உள்ளது, அங்கு ஆற்றின் ஆழம் அதிகரிக்கும்.

மீட்கப்பட்ட நான்கு உடல்களும் பிரேத பரிசோதனைக்காக வெங்கடபுரம் ஆரம்ப சுகாதார நிலையத்திற்கு அனுப்பப்பட்டுள்ளது என தெரிவித்தார்.