மேற்கு வங்க தேர்தல் வன்முறை.! திரிணாமுல் காங்கிரஸ் கட்சியை சேர்ந்த 4 பேர் உயிரிழப்பு.!

மேற்கு வங்க தேர்தல் வன்முறையில் நேற்று திரிணாமுல் காங்கிரஸ் கட்சியை சேர்ந்த 4 பேர் உயிரிழந்துள்ளதாக தகவல்கள் வெளியாகியுள்ளது. 

மேற்குவங்கத்தில் இன்று உள்ளாட்சி அமைப்புகளுக்கு தேர்தல் குறிப்பிட்டபடி தொடங்கி விறுவிறுப்பாக வாக்குப்பதிவு நடைபெற்று வருகிறது. வாக்காளர்கள் நீண்ட வரிசையில் நின்று வாக்களித்து வருகின்றனர். இந்த தேர்தலில் பாதுகாப்பு பணிக்காக ஏராளாமான மாநில காவல்துறையினர், மத்திய பாதுகாப்பு படையினர் ஈடுபட்டுள்ளனர்.

இந்த தேர்தல் வேட்புமனு, பிரச்சாரம் சமயத்தில் ஏற்பட்ட வன்முறை சம்பவங்களில் பலர் உயிரிழந்ததாக கூறப்பட்ட நிலையில், தேர்தலுக்கு முந்தைய நாளான நேற்று மேற்கு வங்கத்தில் ஆளும் திரிணாமுல் காங்கிரஸ் கட்சியை சேர்ந்த 4 பேர் தேர்தல் வன்முறைகளால் உயிரிழந்தனர் என்றும், காங்கிரஸ் மற்றும் மார்க்சிஸ்ட் கம்யூனிஸ்ட் கட்சியினர் மீது மாற்று கட்சியினர் தாக்குதல் நடத்தியதாகவும் காவல்துறையினர் வழக்குப்பதிவு செய்துள்ளனர்.