357 பேருக்கு H3N2 வைரஸ் பாதிப்பு..! அமைச்சர் தானாஜி சாவந்த்

மகாராஷ்டிராவில் 352 பேருக்கு எச்3என்2 (H3N2) வைரஸ் பாதிப்பு.

H3N2 தொற்று : இந்தியாவில் கடந்த சில மாதங்களாக இன்ஃப்ளுயன்சா H3N2 (Influenza H3N2) வைரஸின் தாக்கம் அதிகரித்து வருவது கவலைக்குரியதாக மாறியுள்ளது. H3N2 வைரஸ் என்பது இன்ஃப்ளூயன்ஸா A வகை வைரஸின் துணை வகை ஆகும். இந்த வைரஸ் தொற்று பொதுவாக பன்றிகள் பறவைகள் மற்றும் மனிதர்களை பெருமளவில் பாதிக்கிறது.

பீதி அடையத் தேவையில்லை : தற்பொழுது மகாராஷ்டிரா மாநிலத்தில் இதுவரை 352 பேருக்கு எச்3என்2 (H3N2) வைரஸ் பாதிப்பு இருப்பதாக சுகாதாரத்துறை அமைச்சர் தானாஜி சாவந்த் தெரிவித்துள்ளார். வைரஸால் பாதிக்கப்பட்ட நோயாளிகளுக்கு சிகிச்சை அளிக்கப்பட்டு வருவதாகவும், மருத்துவமனைகள் விழிப்புடன் இருக்கும்படி கேட்டுக் கொள்ளப்பட்டுள்ளதாகவும் அமைச்சர் மேலும் தெரிவித்தார். H3N2 வைரஸ் ஆபத்தானது அல்ல, மருத்துவ சிகிச்சை மூலம் குணப்படுத்த முடியும் என்றும் அதனால் மக்கள் யாரும் பயப்படத் தேவையில்லை என்று சுகாதாரத்துறை அமைச்சர் தானாஜி சாவந்த் கூறினார்.

மார்ச் இறுதிக்குள் குறையும் : நாடு முழுவதும் அதிகரித்து வரும் H3N2 பாதிப்புகளுக்கு மத்தியில், நிகழ்நேர அடிப்படையில் ஒருங்கிணைந்த நோய் கண்காணிப்பு திட்டம் (IDSP) மூலம் பல்வேறு மாநிலங்கள் மற்றும் யூனியன் பிரதேசங்களில் பருவகால காய்ச்சல் நிலைமையை உன்னிப்பாக கவனித்து வருவதாக மத்திய சுகாதார அமைச்சகம் தெரிவித்துள்ளது. மார்ச் இறுதிக்குள் இந்த பாதிப்புகள் குறையும் என்று எதிர்பார்க்கப்படுகிறது என்றும் அமைச்சகம் கூறியுள்ளது