மாவோயிஸ்டுகளுடன் நடந்த சண்டையில் 22 இராணுவ வீரர்கள் வீரமரணம்..!

சத்தீஸ்கரில் பாதுகாப்பு படையினருக்கும் மாவோயிஸ்டுகளுக்கும் இடையே ஏற்பட்ட  என்கவுண்டரில் இதுவரை 22  இராணுவ வீரர்கள் வீரமரணம் அடைந்தனர்.

சத்தீஸ்கரில் உள்ள சுக்மா மாவட்டத்தில் உள்ள பிஜாப்பூர் எல்லையில் நேற்று பாதுகாப்பு படையினருக்கும் மாவோயிஸ்டுகளுக்கும் இடையே மோதல் நடந்தது.  நேற்று ஐந்து இராணுவ வீரர்கள் வீரமரணம்  அடைந்தனர். 30 பேர் காயமடைந்தனர், 21 வீரர்கள் காணாமல் போயுள்ளனர்.

இந்நிலையில், இன்று இராணுவ வீரர்கள் உயிரிழந்த எண்ணிக்கை 22 ஆக உயர்ந்தது என்று பிஜாப்பூர் காவல் கண்காணிப்பாளர் கமலோச்சன் காஷ்யப் உறுதிப்படுத்தினார். மேலும், துப்பாக்கிச் சண்டை நடந்த இடத்தில் இருந்து இன்று 15 சடலங்கள் கண்டெடுக்கப்பட்டன. மீட்கப்பட்ட உடல்கள் மாவோயிஸ்டுகளா அல்லது சிஆர்பிஎஃப் வீரர்களா என விசாரணை நடைபெற்று வருகிறது.

காணாமல் போன வீரர்களைக் கண்டுபிடிப்பதற்கான நடவடிக்கை நடந்து வருவதாகவும், எண்ணிக்கை அதிகரிக்க வாய்ப்புள்ளது என்று  ஒரு மூத்த போலீஸ் அதிகாரி கூறினார். அடுத்த சில மணிநேரங்களில் இறப்பு எண்ணிக்கை அதிகரிக்கக்கூடும் எனவும் தெரிவிக்கப்பட்டுள்ளது.