இந்தியாவில் 24 மணி நேரத்தில் 195 பேர் உயிரிழப்பு

இந்தியாவில் கடந்த 24 மணி நேரத்தில் கொரோனா பாதிப்பால் 195 பேர் உயிரிழந்துள்ளதாக மத்திய சுகாதரத்துறை அமைச்சகம் தெரிவித்துள்ளது.

இந்தியாவில் நாளுக்கு நாள் கொரோனா வைரஸின் தாக்கம் அதிகரித்து வருகிறது.இந்தியாவில்  46,433 பேர் கொரோனாவால் பாதிக்கப்பட்டுள்ளனர் என்று சுகாதாரத்துறை அமைச்சகம் தெரிவித்துள்ளது .உயிரிழந்தவர்களின் எண்ணிக்கை 1,568 ஆக அதிகரித்துள்ளது. 12,727பேர் கொரோனா பாதிப்பில் இருந்து மீண்டுள்ளனர் என்று தெரிவிக்கப்பட்டுள்ளது .

இந்நிலையில் கடந்த 24 மணி நேரத்தில் 195 பேர் உயிரிழந்துள்ளதாக சுகாதாரத்துறை அமைச்சகம் தெரிவித்துள்ளது.அதேபோல் 3900 பேருக்கு புதிதாக கொரோனா தொற்று உறுதியாகியுள்ளது என்றும் 1020 பேர் கொரோனாவில் இருந்து குணமடைந்து உள்ளதாகவும் தெரிவிக்கப்பட்டுள்ளது.