ராஜஸ்தானில் சரக்கு வாகனம் மோதியதில் 5 பேர் பலி..!

by Dinasuvadu deskPosted on June 4, 2018

ராஜஸ்தானில் சரக்கு வாகனம் மோதியதில் சிஆர்பிஎஃப் வீரர்கள் இருவர் உள்பட 5 பேர் பலியாகினர்.

பில்வாராவில் இருந்து உதய்பூருக்கு சென்று கொண்டிருந்த சிஆர்பிஎஃப் வீரர்கள் பயணித்த டிரக் மீது பின்னாலிருந்து சரக்கு வாகனம் மோதியது. இதில் பாலத்திலிருந்து டிரக் கீழே விழுந்ததில் அதில் பயணித்த 2 சிஆர்பிஎஃப் வீரர்கள் உயிரிழந்தனர். விபத்தை ஏற்படுத்திய சரக்கு வாகனம், கட்டுப்பாட்டை இழந்து நான்கு லேன்களைக் கடந்து எதிர்திசையில் வந்த கார் மீது மோதி பின் கவிழ்ந்தது. இதில் காரில் பயணித்த இருவரும், சரக்குவாகனத்தின் ஓட்டுநரும் உயிரிழந்தனர். விபத்துக்கான காரணம் குறித்து விசாரணை நடைபெற்று வருகிறது.