ரஃபேல் போர் விமான ஊழல் பற்றி கேள்வி…சிபிஐ இயக்குநர் மாற்றம்..ராகுல் காந்தி குற்றச்சாட்டு..!!

ஒரு விவசாயி பயிர்க்கடனைச் செலுத்த முடியாவிட்டால், அவர் வேண்டுமென்றே கடனைச் செலுத்த முடியாதவர் என்று பட்டம் கொடுக்கிறார்கள். ஆனால், கோடிக்கணக்கில் கடன் பெற்று திருப்பிச் செலுத்தாத தொழிலதிபர்களுக்கு வங்கிகள் சிவப்புக் கம்பள வரவேற்பு கொடுத்து, என்ன உதவி தேவை என்று கேட்கிறார்கள்.
லலித் மோடி லண்டனில் வசித்து வருகிறார். ஆனால், அவர் ராஜஸ்தான் முதல்வர் மகனுக்கு கோடிக்கணக்கில் பணம் அனுப்புகிறார். வங்கிக்கடனைச் செலுத்தாமல் நாட்டை விட்டு தப்பிச் சென்ற விஜய் மல்லையா நிதி அமைச்சர் அருண் ஜேட்லியை சந்தித்த பின் தான் நாட்டை விட்டுச் சென்றார். வைர வியாபாரி மெகுல் சோக்சி, நிதி அமைச்சர் ஜேட்லியின் மகளின் வங்கிக்கணக்கில் லட்சக்கணக்கில் பணம் செலுத்தி இருக்கிறார்.முந்தைய காங்கிரஸ் ஆட்சியில் மகாத்மா காந்தி ஊரக வேலைவாய்ப்புத் திட்டம் 100 நாள் வேலைவாய்ப்புத் திட்டத்தை ஏழைகளுக்காக கொண்டுவரப்பட்டது. ஆனால், அந்தத் திட்டத்தை பிரதமர் மோடி பயன்பாடில்லாத, உதவாத திட்டம் என்று உதாசினப்படுத்துகிறார்.
மக்களையும், கடினமாக உழைத்துப் பணம் ஈட்டும் தொழிலாளர்கள், சிறு வியாபாரிகள் ஆகியோரை ஏமாற்றி அவர்களின் பைகளில் இருந்து பணத்தை எடுத்து 15 முக்கிய தொழிலதிபர்களுக்கு மோடி அரசு கொடுக்கிறது.சமையல் எரிவாயு விலை தொடர்ந்து விலை உயர்ந்து சாமானிய மக்கள் வாங்க முடியாத அளவுக்கு இருக்கிறது. விவசாயிகள், ஏழை மக்கள், சாமானிய மக்கள் வாங்கும் பொருட்களின் விலை உயர்ந்துகொண்டே செல்கிறது.
இளைஞர்களுக்கு வேலைவாய்ப்பு உண்டாக்குவோம் என்று பிரதமர் மோடியும், முதல்வர் வசுந்தரா ராஜேவும் வாக்குறுதி அளித்தார்கள். ஆனால், இதுவரை நிறைவேற்றவில்லை.காங்கிரஸ் ஆட்சியில் இருக்கும்போது ரூ.35 ஆயிரம் கோடி 100 நாள் வேலைவாய்ப்புத் திட்டத்தில் மக்களுக்கு வேலைவாய்ப்பு அளித்தது. பிரதமர் மோடி, முதல்வர் வசுந்தரா, அனில் அம்பானி ஆகியோர் வேலைவாய்ப்பு அளித்தார்களா?”இவ்வாறு ராகுல் காந்தி பேசினார்.
DINASUVADU