சென்னை:
பெட்ரோல் லிட்டருக்கு ரூ. 82.62 காசுகளாகவும், டீசல் லிட்டருக்கு ரூ. 75.61 காசுகளாகவும் விலை உயர்ந்துள்ளது. விலை உயர்வை கட்டுப்படுத்த நடவடிக்கை எடுக்காமல் மத்திய பாஜக அரசு வேடிக்கை பார்ப்பதாக பொதுமக்கள் குமுறலுடன் கூறுகின்றனர்.
எண்ணெய் நிறுவனங்கள் மூலம் எரிபொருள் விலையை தினந்தோறும் மாற்றியமைக்கும் நடைமுறை கொண்டு வரப்பட்டது. அதைத் தொடர்ந்து நாடு முழு வதும் பெட்ரோல், டீசல் மற்றும் எரிவாயு உருளை விலை வரலாறு காணாத அளவுக்கு
உயர்ந்துள்ளது.
ஆட்சிக்கு வந்தால் பெட்ரோல் லிட்டருக்கு ரூ. 50 ஆக விற்பனை செய்யப்படும் என
பாஜக வாக்குறுதி அளித்தது. ஆனால் தற்போது விலை உயர்வுக்கு வேறு காரணங்
களைக் கூறி மக்களை ஏமாற்றி வருகின்றனர். கார்ப்பரேட் நிறுவனங்களுக்கு ஆதரவாக செயல்பட்டு மத்திய அரசு, மக்கள் விரோதப்போக்கையே கடைப்பிடித்து வருகின்றது.
சர்வதேச அளவில் கச்சா எண்ணெய் விலை குறைந்தபோது, இந்தியாவில் குறைக்காமல், அதன் பயனை மக்களுக்குத் தராமல் வரியை உயர்த்தியது.இதன் மூலம் மத்திய அரசு ஏற்கெனவே பல லட்சம் கோடி ரூபாய் வருவாய் ஈட்டியது. இப்போது, பெட்ரோலியப் பொருள்களின் விலை உச்சத்தில் உள்ளது.
சர்வதேச காரணிகளால் விலை உயர்ந்து விட்டதாக மத்திய அரசு கூறி மக்கள் மீது பெரும் சுமையை ஏற்றி வருகிறது. இந்த கடும் விலை உயர்வால் சாமானிய மக்கள், நடுத்தரப் பிரிவினர், விவசாயிகள், சிறு வணிகர்கள், போக்குவரத்து தொழிலை சார்ந்து இருப்பவர்கள் என நாட்டின் அனைத்துத் தரப்பு மக்களும் கடுமையாக பாதிக்கப்பட்டுள்ளனர்.
பெட்ரோல், டீசல் விலை நிர்ணயிப்பை ஜிஎஸ்டி வரி வரம்பில் கொண்டு வர வேண்டும் என்று எதிர்க்கட்சிகள் வலியுறுத்து கின்றன. ஆனால் இதற்கு பாஜக அரசு செவிமடுக்கவில்லை.இந்த நிலையில், சென்னையில் வியாழ னன்று பெட்ரோல் விலை லிட்டர் ஒன்றிற்கு நேற்றைய விலையை விட 21 காசுகள் உயர்ந்து ரூ.82.62 காசுகளாகவும், டீசல் விலை லிட்டர் ஒன்றிற்கு 22 காசுகள் உயர்ந்து ரூ.75.61 காசுகள் விற்பனை செய்யப்படுகிறது. இந்த விலை உயர்வு மக்கள் தலையில் இடியை இறக்கி, அதிர்ச்சியை ஏற்படுத்திள்ளது.
டீசல் மீதான கலால் வரி 2014-ஆம் ஆண்டில் ஒரு லிட்டருக்கு ரூ.3.46 ஆக
இருந்தது. இப்போது, ரூ.15.33 ஆக அதிகரிக்கப்பட்டுள்ளது. பாஜக ஆட்சியில் மத்திய
கலால் வரி 12 முறை அதிகரிக்கப்பட்டுள்ளது. இவைதான் தற்போதைய பெட்ரோல், டீசல் விலை உயர்வுக்கு முக்கியக் காரணம் என கூறப்படுகிறது.
எனவே செப்.10 அகில இந்திய பந்த் பெட்ரோல், டீசல் மீதான உற்பத்தி வரியை குறைப்பதற்கு வாய்ப்பு இல்லை என்று கூறிய மத்திய பாஜக அரசை கண்டித்தும் பெட்ரோல், டீசல் விலை உயர்வுக்கு எதிர்ப்பு தெரிவித்தும் செப்டம்பர் 10 ஆம் தேதியன்று நாடு தழுவிய முழு அடைப்பு போராட்டத்திற்கு காங்கிரஸ் கட்சி அழைப்பு விடுத்துள்ளது.
DINASUVADU
ஆந்திரப் பிரதேசம்: திருமலை திருப்பதி கோயிலில் சுவாமி தரிசனம் செய்ய சென்றிருந்தபோது, அங்கு சொர்க்கவாசல் திறப்பிற்காக வழங்கப்பட்ட இலவச தரிசனத்திற்கான…
சென்னை : நாம் தமிழர் கட்சி ஒருங்கிணைப்பாளர் சீமான் நேற்று கடலூர் மாவட்டத்தில் செய்தியாளர்களை சந்தித்த போது பெரியார் குறித்து பேசிய…
சென்னை : அமைச்சர் துரைமுருகன் எப்போது தன்னிடம் கேட்கப்படும் கேள்விகளுக்கு நக்கல் நயாண்டிகளுடன் பதில் கூறுவதை பார்த்திருக்கிறோம். அப்படி தான்,…
சென்னை : லோகேஷ் கனகராஜ் இயக்கத்தில் அஜித் ஒரு படத்தில் நடித்தால் எப்படி இருக்கும்? என்று நினைத்து பார்த்தாலே அஜித்…
சென்னை: சென்னையில் ஆபரணத் தங்கத்தின் விலை நேற்றைய தினம் அதிகரித்து விற்பனையான நிலையில், இன்றும் உயர்ந்து காணப்படுகிறது. சென்னையில் நேற்று…
ஆந்திரப் பிரதேசம்: திருப்பதியில் வைகுண்ட ஏகாதசி தரிசனத்துக்கான இலவச டோக்கன் வழங்கும் மையங்களில் ஏற்பட்ட நெரிசல் காரணமாக தமிழகத்தை சேர்ந்த ஒருவர்…
