மோடியின் சவாலை ஏற்ற கேரள ஐபிஎஸ் அதிகாரி..!

by Dinasuvadu deskPosted on June 17, 2018

இந்திய கிரிக்கெட் அணியின் கேப்டன் விராட் கோலி உடற்பயிற்சி செய்வது போன்ற வீடியோவை டுவிட்டரில் வெளியிட்டு, அதில் தன் மனைவி அனுஷ்கா சர்மா, பிரதமர் மோடி உள்பட சிலரை டேக் செய்திருந்தார்.

விராட் கோலியின் இந்த சவாலை ஏற்று காலை நேர உடற்பயிற்சி மற்றும் யோகா செய்யும் வீடியோவை பிரதமர் மோடி கடந்த 13-ம் தேதி வெளியிட்டார். அத்துடன், கர்நாடக முதல்வர் குமாரசாமி உள்பட துணிச்சலான ஐ.பி.எஸ் அதிகாரிகள், குறிப்பாக 40 வயதுக்குமேல் உள்ள ஐபிஎஸ் அதிகாரிகளுக்கு பிரதமர் மோடி பிட்னஸ் சவால் விடுத்திருந்தார்.

இந்நிலையில், பிரதமர் மோடியின் பிட்னஸ் சவாலை ஏற்று கேரள மாநிலம் திரிசூர் மாவட்ட போலீஸ் ஆணையர் ஜி.எச்.யதிஷ் சந்திரா அவரது பேஸ்புக் பக்கத்தில் உடற்பயிற்சி செய்யும் வீடியோவை வெளியிட்டுள்ளார்.

மேலும், பிரதமர் மோடியின் பிட்னஸ் சவாலை ஏற்றுக்கொள்வதை நான் பெருமையாக நினைப்பதாகவும் பேஸ்புக் பதிவில் யதிஷ் சந்திரா குறிப்பிட்டுள்ளார்