முன்னாள் சட்ட அமைச்சர் மற்றும் மூத்த வழக்கறிஞருமான சாந்தி பூஷன் காலமானார்..!

முன்னாள் சட்ட அமைச்சரும் மூத்த வழக்கறிஞருமான சாந்தி பூஷன் செவ்வாய்க்கிழமை காலமானார். அவருக்கு வயது 97.

சாந்தி பூஷனின் மறைவிற்கு பிரதமர் நரேந்திர மோடி தனது வருத்தத்தை தெரிவித்துள்ளார். அவர் “சட்டத் துறையில் அவர் ஆற்றிய பங்களிப்புக்காகவும், தாழ்த்தப்பட்டவர்களுக்காகப் பேசுவதில் உள்ள ஆர்வத்திற்காகவும் அவர் நினைவு கூரப்படுவார்” என்று டிவிட் செய்துள்ளார்.

Shri Shanti Bhushan Ji will be remembered for his contribution to the legal field and passion towards speaking for the underprivileged. Pained by his passing away. Condolences to his family. Om Shanti.

— Narendra Modi (@narendramodi) January 31, 2023

சாந்தி பூஷன் 1977-1979 வரை மொரார்ஜி தேசாய் அமைச்சரவையில் இந்தியாவின் சட்ட அமைச்சராக இருந்தார். பின்னர் அவர் 1980 இல் நன்கு அறியப்பட்ட NGO ‘Centre for Public Interest Litigation’ ஐ நிறுவினார். இந்த அமைப்பு அதன் தொடக்கத்திலிருந்து உச்ச நீதிமன்றத்தில் பல குறிப்பிடத்தக்க பொது நல வழக்குகளை சமர்ப்பித்துள்ளது.