புதுச்சேரியில் திமுக கூட்டணி கட்சிகள் காவிரி மேலாண்மை வாரியம் அமைக்க வலியுறுத்தி போராட்டம் …!100க்கும் மேற்பட்டோர் கைது …!

பிரதமர் மோடியின் உருவ பொம்மையை எரித்து மறியல் போராட்டத்தில் ஈடுபட்ட திமுக எம்எல்ஏ சிவா உள்பட 100க்கும் மேற்பட்டோர் கைது செய்யப்பட்டனர்.

இன்று தமிழகம் முழுவதும் காவிரி மேலாண்மை வாரியம் அமைக்க வலியுறுத்தி முழு அடைப்பு நடைபெறுகிறது. இதனால் தமிழகம் ஸ்தம்பித்துள்ளது.

காவிரி உரிமைகளைப் பெறுவதில் அரசியல் ஒரு தடையாக இருக்கக் கூடாது என்று கூறி ஸ்டாலின் அழைப்பை ஏற்று திமுக மற்றும் அதன் தோழமைக் கட்சிகள் நடத்தும் முழு அடைப்புக்கு பாமக, கொமதேக, லதிமுக, மஜக உள்ளிட்ட பல்வேறு கட்சிகள் ஆதரவு போராட்டத்தில் குதித்துள்ளது.

அதேபோல தமிழகத்தைச் சேர்ந்த 15 போக்குவரத்துத் தொழிற்சங்கங்கள் முழு அடைப்புக்கு ஆதரவு தெரிவித்துள்ளதால் 90 சதவிகிதம் போக்குவரத்து முடங்கியுள்ளது.

இன்று காலை 6 மணி முதல் கடைகள் மூடப்பட்டன. குறைந்த அளவிலான பேருந்துகளே இயக்கப்பட்டன. மற்ற மாநில பேருந்துகளும் தமிழக எல்லையிலேயே நிறுத்தப்பட்டுள்ளன. 5-ஆவது நாளாக திமுக மறியல் போராட்டம் நடத்தி வருகிறது. சென்னை அண்ணா சாலையில் திமுக செயல் தலைவர் மு.க.ஸ்டாலின் தலைமையில் திமுக உள்ளிட்ட கூட்டணி கட்சிகள் மறியல் செய்து கைதாகினர் .

இந்நிலையில் மத்திய ,மாநில அரசை கண்டித்து புதுச்சேரியில் திமுக கூட்டணி கட்சிகள் நடத்திய முழுஅடைப்பு போராட்டத்தால் பொதுமக்களின் இயல்பு வாழ்க்கை பெரிதும்  பாதிக்கப்பட்டது. பிரதமர் மோடியின் உருவ பொம்மையை எரித்து மறியல் போராட்டத்தில் ஈடுபட்ட திமுக எம்எல்ஏ சிவா உள்பட 100க்கும் மேற்பட்டோர் கைது செய்யப்பட்டனர்.

மேலும் செய்திகளுக்கு தினச்சுவடுடன் இணைந்திருங்கள்.