பீகார் மதுவிலக்குச் சட்டத்தில் திருத்தம்! முதலமைச்சர் நிதிஷ்குமார் தகவல்

பீகாரில் மதுவிலக்குச் சட்டம் தவறாகப் பயன்படுத்தப்படுவதைத் தவிர்க்கத் தேவையான திருத்தங்கள் கொண்டுவரப்படும் என தெரிவித்துள்ளார்.

பீகாரில் 2016ஏப்ரல் முதல் முழு மதுவிலக்கு நடைமுறைப்படுத்தப்பட்டு வருகிறது. இந்நிலையில் பாட்னாவில் ஐக்கிய ஜனதாதளத்தின் இளைஞரணிக் கூட்டத்தில் மதுவிலக்குத் தொடர்பாக அரசு எடுத்த நடவடிக்கைகள் குறித்து முதலமைச்சர் நிதிஷ்குமார் விளக்கிப் பேசினார். அப்போது 2ஆண்டுகளில் ஒரு லட்சத்து 42ஆயிரம் பேர் கைது செய்யப்பட்டதாக தெரிவித்தார். இந்தியாவில் உற்பத்திசெய்யப்பட்ட வெளிநாட்டு மதுவகைகள் 20லட்சத்து 47ஆயிரம் லிட்டரும், ஒன்பதேகால் லட்சம் லிட்டர் நாட்டுச் சாராயமும் பறிமுதல் செய்யப்பட்டதாகவும் அவர் தெரிவித்தார். மதுவிலக்குச் சட்டத்தில் தேவையான திருத்தங்கள் கொண்டுவரப்பட உள்ளதாகவும் நிதிஷ்குமார் தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.