பீகாரில் காலிமனைக்கு மோடியின் பெயரை வைத்தவர் கொலை.!

பீகாரில் காலி மனை ஒன்றில் மோடியின் பெயரை வைத்த ராமச்ந்திர யாதவ் என்ற 65 வயது முதியவர் அடித்துக் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.

பீகார் மாநிலம் தர்பங்கா மாவட்டம் பால்கா கிராமத்தில் சர்ச்சைக்குரிய காலி மனை ஒன்று உள்ளது. இந்த மனையின் பாத்வா என்று பெயர் இருந்தது. அந்த பகுதியில் லாலுபிரசாத் யாதவின் ராஷ்ட்ரீய ஜனதா ஆதராவளர்கள் அதிகம் வசித்து வருகிறார்கள்.

கடந்த இரண்டு ஆண்டுகளுக்கு முன்பு இந்த காலி மனையின் பாத்வா என்ற பெயர் நரேந்திர மோடி சதுக்கம் என்று பெயர் மாற்றம் செய்து ராமசந்திர யாதவ் என்பவர் கடந்த இரண்டு ஆண்டுகளுக்கு முன்பு வைத்துள்ளார். அந்த பெயரை மாற்றும்படி சில பேர் அவரிடம் தகராறு செய்துள்ளனர். இதைக் ராமசந்திர யாதவ் தட்டிக் கழித்து வந்தார்.

இந்நிலையில், கடந்த வியாழன் அன்று நள்ளிரவில் ஆயுதங்களுடன் வந்த 25 பேர், பெயர் பலகையை மாற்றுமாறு மிரட்டினர். இதற்கு ராமசந்திர யாதவ் மற்றும் அவரது மகன் கமலேஷ் ஆகியோர் மறுப்பு தெரிவிக்கவே, ஆத்திரமடைந்த கும்பல், இருவரையும் சராமாரியாக தாக்கியது.