பாஜக – சிவசேனா கூட்டணி!2019நாடாளுமன்றத் தேர்தலில் கூட்டணி!

பாஜக சிவசேனா இடையே  2019நாடாளுமன்றத் தேர்தலில் கூட்டணியைத் தொடர கொள்கை அளவில் உடன்பாடு ஏற்பட்டுள்ளதாக தகவல் வெளியாகியுள்ளது.

கடந்த ஆறாம் தேதி மும்பை வந்த பாஜக தலைவர் அமித் ஷா, சிவசேனா தலைவர் உத்தவ் தாக்கரேயை அவரது இல்லத்தில் சந்தித்துப் பேசினார். வரும் நாடாளுமன்றத் தேர்தலில் இரு கட்சிகளும்  கூட்டாகப் போட்டிடுவது குறித்தும் தொகுதிப் பங்கீடு குறித்தும் பேச்சு நடைபெற்றதாகக் கூறப்படுகிறது. 2014தேர்தலில் பாஜக 26தொகுதிகளிலும் சிவசேனா 22 தொகுதிகளிலும் போட்டியிட்டன. அதேபோல் வரும் தேர்தலிலும் தொகுதிகளைப் பிரித்துக்கொள்ள இரு கட்சிகளும் விரும்புவதாகக் கூறப்படுகிறது. இருப்பினும் தொகுதிப் பங்கீடு குறித்து எந்த உடன்பாடும் ஏற்படவில்லை. கூட்டணி முறியாமல் இருக்கத் தொகுதிப்பங்கீடு பற்றி எத்தனை முறை பேசவும் தயார் என அமித் ஷா தெரிவித்ததாகக் கூறப்படுகிறது.

மேலும் செய்திகளுக்கு தினச்சுவடுடன் இணைந்திருங்கள்.