பாஜக காங்கிரஸின் சந்தர்ப்பவாதத்தை அம்பலப்படுத்துவதில் வெற்றி பெற்றுள்ளது!அமித்ஷா

பாஜகவின்  தேசியத் தலைவர் அமித்ஷா,கர்நாடகாவில் காங்கிரஸ் கட்சியின் சந்தர்ப்பவாதத்தை, மக்களிடம் அம்பலப்படுத்துவதில் பாஜகவிற்கு வெற்றி கிடைத்துள்ளதாக,  கூறியுள்ளார்.

கர்நாடகா முதல்வர் பதவியை 3 நாளில் எடியூரப்பா ராஜினாமா செய்துள்ளது குறித்து, கருத்து தெரிவித்த அமித்ஷா காங்கிரஸ் ஆட்சி நீங்கி பாஜக ஆட்சி அமைய வேண்டும், என மக்கள் விரும்பியதையே கர்நாடக சட்டப்பேரவைத் தேர்தல் முடிவுகள் வெளிக்காட்டியதாகக் கூறினார்.

காங்கிரஸ் எம்.எல்.ஏக்களை விலைக்கு வாங்க பாஜக முயன்றதாக எழுந்துள்ள குற்றச்சாட்டுக்களை, அமித்ஷா திட்டவட்டமாக மறுத்தார். ஆனால் தேர்தலில் தோல்வி அடைந்தாலும், வெற்றி அடைய வேண்டும் என்கிற புதிய கொள்கையை ராகுல்காந்தி தலைமையிலான காங்கிரஸ் கட்சி, தற்போது நடைமுறைப்படுத்தி வருவதாகவும் அமித்ஷா விமர்சித்தார்.

மதசார்பற்ற ஜனதா தளத்துடன் கூட்டணி அமைத்ததில், காங்கிரஸ் கட்சித் தலைவர்களிடையே அதிருப்தி நிலவியதாகவும் அமித்ஷா தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.