டெல்லியில் கேப்சூல்களில் கொக்கைன் போதைப் பொருளை அடைத்து வயிற்றில் கடத்திவந்த பெண் கைது!

50 லட்சம் ரூபாய் மதிப்புள்ள கொக்கைன் போதைப் பொருளை தென் அமெரிக்காவில் இருந்து  விழுங்கி கடத்திவந்த பிரேசில் நாட்டு இளம் பெண்ணை அதிகாரிகள் கைது செய்தனர். டெல்லி இந்திரா காந்தி சர்வதேச விமான நிலையத்தில் கடந்த 14ஆம் தேதி கண்காணிப்பில் ஈடுபட்டிருந்த போதைப்பொருள் கடத்தல் தடுப்பு பிரிவு அதிகாரிகள், பிரேசில் பெண்ணை தடுத்தி நிறுத்தினர்.

பின்னர், அவரை, சப்தர்ஜங் மருத்துவமனைக்கு அழைத்துச் சென்று எக்ஸ்ரே எடுத்தபோது வயிற்றினுள் ஏராளமான கேப்சூல்கள் இருப்பது தெரியவந்தது. வயிற்றுக்குள் இருந்த 106 கேப்சூல்கள் வெளியே எடுக்கப்பட்டன. தொடர்ந்து, சிகிச்சை அளிக்கப்பட்ட பிரேசில் நாட்டு இளம்பெண், நீதிமன்றத்தில் ஆஜர்படுத்தப்பட்டு சிறையிலடைக்கப்பட்டார்.