டெல்லியில் அதிகாலையில் திடீரென வீசிய புழுதிப்புயலால், ஏராளமான மரங்கள் வேருடன் சாய்ந்தது!

டெல்லி மற்றும் சுற்றுவட்டாரப் பகுதியில் நேற்று அதிகாலையில் திடீரென வீசிய புழுதிப்புயலால், ஏராளமான மரங்கள் வேருடன் சாய்ந்தன.

டெல்லி, ஹரியானா, ராஜஸ்தான் உள்ளிட்ட வடமாநிலங்களில் பெரும்பாலான பகுதிகளை சில நாட்களுக்கு முன்பு இடியுடன் கூடிய கனமழையும், புழுதிப்புயலும் தாக்கியது. இதில் 80க்கும் மேற்பட்டோர் உயிரிழந்த நிலையில், ஏராளமானோர் காயமடைந்ததுடன், மின்கம்பங்களும் சேதமடைந்தன.

சீரமைப்பு பணிகளைத் தொடர்ந்து, இயல்பு நிலை திரும்பிய நிலையில்,நேற்று அதிகாலையில் மீண்டும் டெல்லி மற்றும் சுற்றுவட்டாரப் பகுதியில் புழுதிப்புயல் வீசியது. திடீரென வீசிய புழுதிப்புயலால் பலி குறித்த தகவல் இல்லாத நிலையில், ஏராளமான மரங்கள் சாய்ந்துள்ளன. மின்கம்பங்களும் சேதமடைந்ததால், ஒரு சில மணி நேரத்துக்கு மின் விநியோகமும் பாதிக்கப்பட்டது.

மேலும் செய்திகளுக்கு தினச்சுவடுடன் இணைந்திருங்கள்.