சென்னை பெண் அனு கீர்த்திவாஸ் இந்திய அழகியானார் !

இந்திய அழகியாக  தமிழகத்தைச் சேர்ந்த 19 வயதான அனு கீர்த்தி வாஸ் தேர்ந்தெடுக்கப்பட்டுள்ளார்.

இந்திய அழகிக்கான இறுதிச் சுற்று மும்பையில் நேற்றிரவு நடைபெற்றது. அதில் போட்டியிட்ட 30 பேரில் இருந்து அழகியை கிரிக்கெட் வீரர் இர்பான் பதான் உள்ளிட்டோர் அடங்கிய குழு தேர்வு செய்தது. அதில் சென்னையைச் சேர்ந்த 19 வயதான அனுகீர்த்தி வாஸ் இந்திய அழகியாக தேர்வானார். அவர் சென்னை லயோலா கல்லூரியில் பி.ஏ. பிரெஞ்ச் படித்து வருகிறார்.

நடிப்பிலும், மாடலிங்கிலும் ஆர்வம் உடைய அனு கீர்த்திவாஸ், இந்த ஆண்டு நடைபெறும் உலக அழகிப்போட்டியில் இந்தியாவின் சார்பில் பங்கேற்பார். இந்த போட்டியில் அரியானாவைச் சேர்ந்த மீனாட்சி சௌத்ரி, ஆந்திராவைச் சேர்ந்த ஷ்ரேயா ராவ் ஆகியோர் இரண்டாம் மற்றும் மூன்றாம் இடத்தைப் பிடித்தனர்.

மேலும் அனு கீர்த்திவாஸ் ஒரு நடன கலைஞரும் மற்றும் தடகள வீரரும் ஆவார். அவருக்கு பைக்கை நெடுந்தூரம் ஓட்டிச் செல்வது  மிகவும் பிடித்தமான ஒன்றாகுமாம்.

மேலும் செய்திகளுக்கு தினச்சுவடுடன் இணைந்திருங்கள்.