சானியா மிர்சா, விவிஎஸ் லட்சுமணனுடன் மத்திய அமைச்சர் நிர்மலா சீதாராமன் சந்திப்பு..!

பிரதமர் நரேந்திர மோடி தலைமையிலான பா.ஜ.க அரசு கடந்த மாதம் 26-ம் தேதியோடு 4 ஆண்டு கால ஆட்சியை நிறைவு செய்தது. இதையடுத்து, அடுத்த பாராளுமன்ற தேர்தல் வெற்றியை குறிவைத்து “ஆதரவுக்கான தொடர்பு” எனும் பிரச்சாரத்தை பா.ஜ.க. மேற்கொண்டு வருகிறது.

இந்த பிரச்சாரத்தின் முக்கிய நோக்கமாக, கட்சியின் 4 ஆயிரம் நிர்வாகிகள், சுமார் ஒரு லட்சம் பேரை தொடர்பு கொண்டு சந்தித்து மோடி தலைமையிலான பா.ஜ.க ஆட்சியின் 4 ஆண்டு சாதனைகள் மற்றும் நலத்திட்டங்களை விளக்கி கூறவேண்டும் என பா.ஜ.க தேசிய தலைவர் அமித் ஷா திட்டமிட்டுள்ளார்.

இந்நிலையில், ஐதராபாத்தில் முன்னாள் கிரிக்கெட் வீரர் விவிஎஸ் லட்சுமணன், டென்னிஸ் வீராங்கனை சானியா மிர்சா

மற்றும் முன்னாள் பேட்மிண்டன் வீரர் புல்லேலா கோபிசந்து ஆகியோரை மத்திய மந்திரி நிர்மலா சீதாராமன் சந்தித்து பா.ஜ.க.வுக்கு ஆதரவு திரட்டினார். மோடி தலைமையிலான மத்திய அரசின் நான்காண்டு சாதனைகளை விளக்கும் புத்தகத்தை அவர்களிடம் அளித்தார்.