குழந்தைக்கு பெயரை தேர்வு செய்ய வாக்கெடுப்பு..!

மகாராஷ்டிராவில் ஒரு தம்பதி தங்கள் குழந்தைக்கான பெயரை தேர்வு செய்ய வாக்கெடுப்பையே நடத்தியுள்ளது. கோண்டியா (( Gondia )) நகரைச் சேர்ந்த அந்த தம்பதி, ஏப்ரல் 5-ஆம் தேதி பிறந்த ஆண் குழந்தைக்கு ஜாதகப்படி ஒய் என்ற எழுத்தில் தொடங்கும் பெயரை சூட்ட முடிவெடுத்தது.

யுவான், யஷ், யோவிக் என்ற 3 பேரை தேர்வு செய்து, இவற்றில் எந்தப் பெயரை குழந்தைக்கு சூட்டுவதென வாக்கெடுப்பை நடத்தியது. 3 பெயர்கள் அச்சடித்த வாக்குச்சீட்டு, வாக்குப்பெட்டி என தேர்தலுக்கான ஏற்பாடு செய்யப்பட்டிருந்தது. பெயர் சூட்டு விழாவுக்கு வந்த உறவினர்கள், நண்பர்கள், விருந்தினர்கள் என 149 பேர் வாக்களித்தனர்.

இதில் 92 வாக்குப் பெற்ற யுவான் என்ற பெயரை, அந்த தம்பதி தங்கள் குழந்தைக்கு சூட்டி மகிழ்ந்தனர்.