குஜராத் கிரிக்கெட் மைதானத்தில் , மார்பக புற்றுநோய் குறித்த விழிப்புணர்வுக்காக மனித சங்கிலி!

குஜராத் மாநிலம் வதோதராவில் கிரிக்கெட் மைதானத்தில் , மார்பக புற்றுநோய் மற்றும் மகளிர் மேம்பாடு குறித்த விழிப்புணர்வுக்காக, பெண்களும், மாணவிகளும் இணைந்து மனித சங்கிலியில் ஈடுபட்டனர்.

இந்தியா – ஆஸ்திரேலிய மகளிர் அணிகளுக்கு இடையிலான முதல் ஒருநாள் கிரிக்கெட் போட்டி, வதோதராவில் உள்ள ரிலையன்ஸ் மைதானத்தில் நடைபெற்றது. இந்தப் போட்டியில் ஆஸ்திரேலிய மகளிர் அணி வெற்றிபெற்றது.

இதையடுத்து, மைதானத்திற்குள் வட்டவடிவமாக சுமார் 2 ஆயிரத்து 400 பெண்களும், பள்ளி மாணவிகளும் இணைந்து, மனித சங்கிலி ஏற்படுத்தினர். மார்பக புற்றுநோய் மற்றும் மகளிர் மேம்பாடு குறித்து பெண்களிடயே விழிப்புணர்வை ஏற்படுத்துவதற்காக நடைபெற்ற அந்த மனித சங்கிலியில், கிரிக்கெட் வீராங்கனைகளும் பங்கேற்றனர்.

மேலும் செய்திகளுக்கு தினச்சுவடுடன் இணைந்திருங்கள்.