காங்கிரஸ் MLAக்கள் பாஜகவில் சேர விருப்பம்….எடியூரப்பா தகவல்..!

காங்கிரஸ் மற்றும் மதச்சார்பற்ற ஜனதா தளத்தைச் சேர்ந்த பல எம்எல்ஏக்கள் பாரதிய ஜனதாவில் சேர மிகுந்த ஆர்வத்துடன் இருப்பதாக, கர்நாடக முன்னாள் முதலமைச்சர் எடியூரப்பா கூறியுள்ளார்.

அமைச்சரவையில் இடம் கிடைக்காததால், காங்கிரஸ் எம்எல்ஏக்கள் மத்தியில் அதிருப்தி நிலவி வருகிறது. இந்நிலையில் பெங்களூருவில், செய்தியாளர்களிடம் பேசிய எடியூரப்பா, காங்கிரஸ் மற்றும் மதச்சார்பற்ற ஜனதா தளத்தில் உள்ள பல எம்எல்ஏக்கள், பாரதிய ஜனதா கட்சியில் இணைய, ஆர்வத்துடன் உள்ளனர் என்றார். தற்போதைய கூட்டணி அரசு எத்தனை நாட்கள் பதவியில் நீடிக்கும் என்பதை அறுதியிட்டு கூற முடியாது என்று அவர் கூறினார்.

104 உறுப்பினர்களை கொண்டுள்ள பாஜக, சிறந்ததொரு எதிர்க்கட்சியாக செயல்படும் என்றும் எடியூரப்பா தெரிவித்தார்..