காங்கிரஸ் தொடங்கியுள்ள இயக்கம் வாரிசு அரசியலைக் காப்பதற்கான நடவடிக்கை!பாஜக தேசியத் தலைவர் அமித் ஷா

பாஜக தேசியத் தலைவர் அமித் ஷா, அரசியலமைப்பைக் காப்போம் என்கிற முழக்கத்துடன் காங்கிரஸ் தொடங்கியுள்ள இயக்கம் அதன் வாரிசு அரசியலைக் காப்பதற்கான நடவடிக்கை என  தெரிவித்துள்ளார்.

நாடு முழுவதும் பல்வேறு சிக்கல்கள் தலைவிரித்தாடும்போது பிரதமர் நரேந்திர மோடி, மீண்டும் ஆட்சியைப் பிடிப்பதில் குறியாக உள்ளதாக காங்கிரஸ் தலைவர் ராகுல்காந்தி தெரிவித்துள்ளார்.

இது குறித்து பேசிய அமித் ஷா, மோடி மீதான எதிர்க்கட்சிகளின் வெறுப்பு, இந்தியாவுக்கு எதிரான வெறுப்பாக மாறிவிட்டதாகவும் குறிப்பிட்டுள்ளார்ர். ராணுவம், நீதித்துறை, உச்சநீதிமன்றம், தேர்தல் ஆணையம், ரிசர்வ் வங்கி ஆகியவற்றின் மீது நம்பிக்கையில்லாமல் அவசர நிலையைப் பிறப்பித்த காங்கிரஸ் கட்சியினர் தற்போது ஜனநாயகத்தைப் பற்றிப் பேசுவதாகவும் அமித் ஷா தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.