ஓட்டப்போட்டியில் பங்கேற்ற தலைமை கான்ஸ்டபிள் மரணம்.! பதவி உயர்வை எதிர்பார்த்து விபரீதம்..!

ராஜஸ்தான் மாநிலம் ஜெய்பூர் பகுதியைச் சேர்ந்தவர் சுஷில். இவர் அங்குள்ள காவல்நிலையம் ஒன்றில் தலைமை கான்ஸ்டபிளாக பணிபுரிந்து வருகிறார். இதனிடையே நேற்று துணை சப்-இன்ஸ்பெக்டருக்கான ஓட்டப்போட்டி ஆமீர் சாலையில் அமைந்துள்ள ஜால் மஹால் பகுதியில் நடைபெற்றது.

பதவி உயர்வு பெற விரும்பிய சுஷில், துணை சப்-இன்ஸ்பெக்டருக்கான ஓட்டப்போட்டியில் கலந்து கொண்டு ஓடத் தொடங்கினார். இந்நிலையில் திடீரென ஓடுதளப்பாதையில் மயங்கி விழுந்த சுஷிலை அருகிலுள்ளவர்கள் உடனடியாக மீட்டு எஸ் எம் எஸ் மருத்துவமனையில் சேர்த்தனர். அங்கு சுஷிலை பரிசோதித்த மருத்துவர்கள் அவர் ஏற்கனவே இறந்து விட்டதாக அறிவித்தனர்.

இந்நிலையில் பதவி உயர்வுக்காக ஓட்டப்போட்டியில் கலந்து கொண்ட தலைமை கான்ஸ்டபிள் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.