இன்று ஓய்வு பெறுகிறார் உச்சநீதிமன்ற நீதிபதி செலமேஸ்வர்!

இன்று உச்சநீதிமன்ற நீதிபதி செலமேஸ்வர் ஓய்வு பெறுகிறார். அவருடைய ஏழு ஆண்டு பதவிக்காலம் இம்மாதம் 22ம் தேதி முடிகிறது. இருப்பினும் நீதிமன்றத்திற்கு 41 நாட்கள் கோடை விடுமுறை அறிவிக்கப்பட்டதால் அவர் இன்றே பதவியில் இருந்து ஓய்வு பெற உள்ளார். தமது பணியின் கடைசி நாளில் நீதிமன்றத்தில் அமர உள்ள செலமேஸ்வர் மாலையில் பணியில் இருந்து விலகுவார்.

நேற்று அவருக்கு வழக்கறிஞர்கள் சார்பில் விடைகொடுக்கும் நிகழ்ச்சி நடைபெற்றது. மூத்த வழக்கறிஞரும் முன்னாள் மத்திய சட்டத்துறை இணையமைச்சருமான சாந்தி பூசன் உள்ளிட்டோர் செலமேஸ்வரை சந்தித்து வாழ்த்துகளை தெரிவித்தனர்.தலைமை நீதிபதிக்கு எதிராக நான்கு நீதிபதிகள் போர்க்கொடி உயர்த்திய விவகாரத்தில் நீதிபதி செலமேஸ்வரின் கருத்துகள் பெரும் சர்ச்சைகளை ஏற்படுத்தின.

மேலும் செய்திகளுக்கு தினச்சுவடுடன் இணைந்திருங்கள்.