இந்தியாவில் முதல் பெண் விமான நிலைய தீயணைப்பு பணிக்கு நியமனம்!

முதன்முறையாக பெண் ஒருவர்  ,விமான நிலைய தீயணைப்பு பணிக்கு நியமிக்கப்பட்டுள்ளார். நாடு முழுவதும் உள்ள விமான நிலையங்களில் 3 ஆயிரத்து 310 தீயணைப்பு வீரர்கள் பணிபுரிகின்றனர்.

இந்த நிலையில் முதன் முறையாக பெண் ஒருவர் இப்பணியில் ஈடுபடுத்தப்படவுள்ளார். கொல்கத்தாவைச் சேர்ந்த ((Taniya Sanyal)) தனியா சன்யால் என்ற இளம்பெண்ணை, தீயணைப்பு வீராங்கனையாக இந்திய விமான நிலையங்களுக்கான ஆணையம் நியமித்துள்ளது. இவர் தற்போது டெல்லியில் பயிற்சி பெற்று வருகிறார்.

விரைவில் பணியில் ஈடுபடுத்தப்படுவார் என்றும், இனி தொடர்ச்சியாக விமான நிலைய தீயணைப்புப் பணிகளுக்கு பெண்கள் நியமிக்கப்படுவர் என்றும் அதிகாரிகள் கூறியுள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.