ஆந்திராவில் ராட்சத ராட்டின விபத்தில் 10 வயதுச் சிறுமி பலி!

10 வயதுச் சிறுமி  ஆந்திர மாநிலம் அனந்தப்பூரில் ராட்சத ராட்டின விபத்தில் உயிரிழந்தார்.

சிறுவர் – சிறுமியர் உள்ளிட்ட 6 பேர் படுகாயம் அடைந்தனர். வேகமாகச் சுற்றிக்கொண்டிருந்த ராட்டினத்தில் டிராலி ஒன்றின் இணைப்பு உடைந்ததில் அதில் இருந்த சிறுவர் சிறுமியர் உள்ளிடோர் தூக்கி வீசப்பட்டனர்.

இதில் அம்ருதா என்ற சிறுமி உயிரிழந்தார். படுகாயம் அடைந்த சிறுவர் – சிறுமியர் உள்ளிட்ட 6 பேர் மருத்துவமனையில் அனுமதிக்கப்பட்டுள்ளனர். அந்த டிராலியின் இணைப்பு விலகியதை கவனித்து ராட்டினத்தை இயக்கியவரிடம் தெரிவித்ததாகவும், ஆனால் அவர் குடிபோதையில் இருந்ததால் மெத்தனமாக இருந்துவிட்டதாகவும் அங்கிருந்தவர்கள் குற்றம்சாட்டினர்.

ராட்டினத்தை இயக்கியவரை பொதுமக்கள் சுற்றி வளைத்து தாக்கிய நிலையில், பின்னர் அவர் மீட்கப்பட்டு காவல்துறையில் ஒப்படைக்கப்பட்டார்.

மேலும்  செய்திகளுக்கு தினச்சுவடுடன் இணைந்திருங்கள்.