ஆந்திராவில் , தமிழகத்தைச் சேர்ந்த 11 பேர் கைது..!

ஆந்திர மாநிலம் கடப்பாவில் செம்மரம் வெட்டிக் கடத்த முயன்றதாக தமிழகத்தைச் சேர்ந்த 11 பேர் கைது செய்யப்பட்டனர். ராயசோட்டி வனப்பகுதியில் செம்மரம் வெட்டி கடத்துவதாக செம்மரக் கடத்தல் தடுப்புப் பிரிவினருக்கு ரகசிய தகவல் கிடைத்ததாக கூறப்படுகிறது.

இதையடுத்து ரோந்து பணியில் ஈடுபட்ட போது வீரபள்ளி சம்பேபள்ளி அருகே 20 க்கும் மேற்பட்டோர் செம்மரக் கடத்தலில் ஈடுபட்டதாகவும், அவர்கள் கற்களை வீசி தாக்குதல் நடத்தி தப்ப முயன்றதாகவும் போலீசார் கூறியுள்ளனர்.

அப்போது கடத்தல் கும்பலைச் சேர்ந்த 11 பேர் பிடிப்பட்டதாகவும், அவர்கள் அனைவரும் வேலூர், சேலம் மாவட்டத்தைச் சேர்ந்தவர்கள் எனவும் ஆந்திர போலீஸ் தரப்பில் தெரிவிக்கப்பட்டுள்ளது.