சென்னையில் எச்.பி பெட்ரோல் பங்கில் பெட்ரோல் மாதிரிகள் சோதனை

சென்னையில், கலப்பட பெட்ரோல் வினியோகம் செய்வதாக எழுந்த புகாரில், எச்.பி பெட்ரோல் பங்கில் பெட்ரோல் மாதிரிகள் சோதனைக்கு எடுத்துச் செல்லப்பட்டது.

அம்பத்தூர் தொழிற்பேட்டையில் முருகன் ஏஜென்சி நடத்தும், எச்.பி. பெட்ரோல் பங்கில், பெட்ரோல் நிரப்பிச் சென்ற இரு சக்கர வாகன ஓட்டிகள் சிலர், மீண்டும் பங்கிற்கு வந்து முற்றுகையிட்டனர். வாகனங்கள் திடிரென பழுதாகி நின்றதாகவும், இதற்கு கலப்பட பெட்ரோல் தான் காரணம் என ஊழியர்களுடன் வாக்குவாதத்தில் ஈடுபட்டனர்.

காவல்துறையினர் மற்றும் எச்.பி பெட்ரோலியம் மாவட்ட துணை மேலாளர் பங்கிற்கு வந்து பெட்ரோல் மாதிரிகளை ஆய்விற்காக எடுத்துச் சென்றனர். கலப்பட பெட்ரோல் சர்ச்சையில் சிறிதுநேரம் பெட்ரோல் பங்க் பரபரப்பாக காணப்பட்டது.