போர்ச்சுகல் நாட்டில் இருந்து 3 கிலோ கொகைய்ன் போதைப் பொருள் கடத்தி வந்தவர் கைது!

சென்னை விமான நிலையத்தில் ,போர்ச்சுகல் நாட்டில் இருந்து யூ.பி.எஸ்.சில் மறைத்து வைத்து கடத்தி எடுத்து வரப்பட்ட 3 கிலோ கொகைய்ன் போதைப் பொருளை அதிகாரிகள் பறிமுதல் செய்தனர்.

ரகசிய தகவலின் அடிப்படையில் சென்னை விமான நிலையத்தில் வருவாய் புலனாய்வு பிரிவினர் மற்றும் போதைப் பொருள் தடுப்பு பிரிவு அதிகாரிகள் சோதனை மேற்கொண்டனர். அப்போது போர்ச்சுகல் நாட்டைச் சேர்ந்த ஒருவர் கொண்டு வந்த கணினி யூ.பி.எஸ்.சை அகற்றி சோதனை மேற்கொள்ளப்பட்டது. அதில் தாமிரக் கம்பி சுற்றுகளுக்கு இடையே மறைத்து வைக்கப்பட்டு இருந்த 3 கிலோ எடை கொண்ட 6 கொகைய்ன் பாக்கெட்டுகள் பறிமுதல் செய்யப்பட்டதுடன், கடத்தி வந்த நபர் கைது செய்யப்பட்டார். பிரேசிலைச் சேர்ந்த ஒருவர் சென்னையில் உள்ள உணவகத்தில் ஒப்படைத்து விடுமாறு தம்மிடம் கொகையினை வழங்கியதாக கைது செய்யப்பட்டவர் தெரிவித்துள்ளார்.

மேலும் செய்திகளுக்கு தினச்சுவடுடன் இணைந்திருங்கள்.