பிரதமரின் வருகையையொட்டி சென்னையில் பலத்த பாதுகாப்பு!

பாதுகாப்பு பணியில் 5000 போலீசார்,பிரதமர் மோடியின் சென்னை வருகையையொட்டி , ஈடுபடுத்தப்பட்டுள்ளனர்.

சென்னையை அடுத்த திருவிடைந்தையில் ரூ.800 கோடியில், பிரமாண்ட ராணுவ கண்காட்சிக்கு ஏற்பாடு செய்யப்பட்டுள்ளது.  பிரதமர் நரேந்திர மோடி இன்று  இந்த கண்காட்சி அரங்குகளை திறந்து வைக்கவுள்ளார்.

இதன் தொடர்ச்சியாக,சென்னை அடையாறு புற்றுநோய் மையத்தின் 75வதுஆண்டு விழாவில் பிரதமர்  நரேந்திர மோடி கலந்து கொள்கிறார். பிரதமரின் வருகையை முன்னிட்டு, அடையாறு புற்றுநோய் மைய வளாகத்திற்கு 3 அடுக்கு பாதுகாப்பு போடப்பட்டுள்ளது.

3 காவல்துறை கூடுதல் ஆணையர்கள் தலைமையில் பாதுகாப்பு ஏற்பாடுகள் செய்யப்பட்டுள்ளன. சிறப்பு அதிரடிப்படை மற்றும் கமாண்டோ வீரர்களும் பாதுகாப்பு பணியில் ஈடுபடுத்தப்படுகின்றனர்.

காவிரி விவகாரத்தில் பிரதமர் மோடிக்கு கறுப்புக்கொடி காட்ட பல்வேறு கட்சிகள், அமைப்புகள் முடிவு செய்திருப்பதால், விமான நிலையம் முதல் புற்றுநோய் மையம் வரை பாதுகாப்பு தீவிரப்படுத்தப்பட்டுள்ளது.

மேலும் செய்திகளுக்கு தினச்சுவடுடன் இணைந்திருங்கள்.