சத்தான பாகற்காய் பக்கோடா செய்வது எப்படி?
நம்மில் பலர் பாகற்காய் என்றாலே வெறுத்து ஒதுக்குவார்கள். ஏன்னென்றால், பாகற்காய் கசப்பு தன்மையுடன் காணப்படுவதால் தான். தற்போது இந்த பதிவில் சுவையான பாகற்காய் பக்கோடா செய்வது எப்படி என்று பார்ப்போம்.
தேவையானவை
- பாகற்காய் – ஒன்று
- பெரிய வெங்காயம் – 3
- கறிவேப்பிலை – 1 தழை
- பஜ்ஜி மாவு மிக்ஸ் – 250 கிராம்
- எண்ணெய் – பொரிப்பதற்கு
செய்முறை
முதலில் பெரிய வெங்காயம், கறிவேப்பிலையை பொடியாக நறுக்கி வைத்துக் கொள்ள வேண்டும். பின் பாகற்காயை இரண்டாக வெட்டி, நடுவில் உள்ள விதையை நீக்கி விட்டு சிறு துண்டுகளாக நறுக்க வேண்டும்.
வெங்காயம், கறிவேப்பிலையுடன் நறுக்கிய பாகற்காய், பஜ்ஜி மாவு சேர்த்து தண்ணீரை தெளித்து பிசைய வேண்டும். பின் மீண்டும் தண்ணீர் தெளித்து, சப்பாத்தி மாவு பதத்தில் வைக்க வேண்டும்.
பின் வாணலியில் எண்ணெய் காய்ந்ததும் பிசைந்து வைத்துள்ள மாவை உதிர்த்து போட்டு பொரித்தெடுக்க வேண்டும். இப்பொது சுவையான பாகற்காய் பக்கோடா தயார்.
