சீனியர் சிட்டிசன்களின் ஆயுளை அதிகரிக்கும் உணவு வகை..!!

A diet that increases the life of senior citizens

வயது முதிர்ந்தவர்களுக்கு, பாரம்பரிய மத்திய தரைகடல் உணவுமுறை (Mediterranean diet) பின்பற்றினால் இறப்பின் அபாயம் குறைவதாக ஆய்வுகள் தெரிவிக்கின்றன.

இத்தாலியில் உள்ள ஐ.ஆர்.சி.சி.எஸ் (I.R.C.C.S)-ன் நோய் தொற்று மற்றும் நோய்த்தடுப்பு துறையின் மூலமாக நடத்தப்பட்ட ஆராய்ச்சியில் 65 வயதுக்கு மேற்பட்ட 5,200 பேர் இதில் கலந்துகொண்டனர். மத்திய தரைக்கடல் உணவுமுறையில் (Mediterranean diet) இதய நோய் மற்றும் புற்றுநோய் உருவாகுவதற்கான அபாயங்கள் எந்தளவில் உள்ளது என்பதை அறிந்து கொள்வதற்கு பெரிய ஆய்வு நடத்தப்பட்டது.

8 ஆண்டுகளாக மத்திய தரைகடல் உணவுமுறையை பின்பற்றுகிறவர்கள் தங்களின் டயட் ஸ்கோரை ஆய்விற்கு கொடுத்துள்ளனர்.ஆய்வின் முடிவு, மத்திய தரைக்கடல் உணவு முறையில் 25 சதவீதம் இறப்பிற்கான அபாயங்களை எல்லா வகையிலும் குறைக்கிறது. இதய நோயான கரோனரி ஆர்ட்டெரி  நோய் (Coronary Artery Disease) மற்றும் செரிபரோவாஸ்குலர் நோய் (Cerebrovascular Disease) ஆபத்துகள் குறைவது கண்டுபிடிக்கப்பட்டுள்ளது.

ஆய்வாளர்கள், இத்தாலி உட்பட 65 நாடுகளில் 65 வயதுக்கு  11,738 பேர் தரவுகளை பகுப்பாய்வு செய்து 7 ஆய்வுகளை செய்துள்ளனர். இந்த ஆய்வில், மத்திய தரைக்கடல் உணவுமுறையின் டயட் ஸ்கோர் அதிகரிக்கும் பொழுது 5 சதவீதம் இறப்பிற்கான அபாயங்கள் குறைவதாக கண்டுபிடித்துள்ளனர். மத்திய தரைக்கடல் உணவு முறையை பின்பற்றுபவர்களுக்கு இறப்பு அபாயம் குறைவாக உள்ளது என்று கூறுகின்றனர்.

ஆய்வாளர் மாரியலோரா பொனாக்சியோ, ”மத்திய தரைக்கடல் உணவு முறை இறப்பின் அபாயத்தை குறைக்கும் என்பதை நாங்கள் அறிவோம். ஆனால், அது குறிப்பாக 65 வயதுக்கு மேற்பட்டவர்களுக்கு இறப்பு அபாயத்தை குறைக்கும் என்பதை கண்டறிந்ததுதான் ஆய்வின் புதுமை” என்று கூறுகிறார்.
பாரம்பரிய மத்திய தரைகடல் உணவு முறையில் அதிகமான பழங்கள், காய்கறிகள், மீன், பருப்பு வகைகள், ஆலிவ் எண்ணெய் எடுத்துக் கொள்வதே. பால் மற்றும் இறைச்சியின் பயன்பாடு குறைவாக இருக்கும்.

உணவு உட்கொள்ளும் நேரத்தில் மிதமான ஆல்கஹால் கொண்ட ஒயினை அருந்துவதும் இதில் அடங்கும்.
ஆய்வாளர் பொனாக்ஸியோ, மத்திய தரைக்கடல் உணவு முறையின் ஆரோக்கியத்தின்  பங்கை மிதமான ஆல்கஹால் கொண்ட ஒயின்தான் செய்கிறது என்று ஆய்வின் சுவாரஸ்யமான தகவலை கூறுகிறார். இந்த தகவலை தொற்றுநோய் மற்றும் வளர்சிதை மாற்ற ஆய்வுகளின் அடிப்படையில் தெரிவிப்பதாகவும் கூறுகிறார்.