#IPL BREAKING: பரபரப்பான கடைசி ஓவர்..! டெல்லி அணி த்ரில் வெற்றி..!

#IPL BREAKING: பரபரப்பான கடைசி ஓவர்..! டெல்லி அணி த்ரில் வெற்றி..!

ஐபிஎல் தொடரில் இன்றைய SRH vs DC போட்டியில், டெல்லி அணி 7 ரன்கள் வித்தியாசத்தில் வெற்றி பெற்றது.

16-வது ஐபிஎல் தொடரில் இன்று சன் ரைசர்ஸ் ஹைதராபாத் மற்றும் டெல்லி கேபிட்டல்ஸ் அணிகள் ஹைதராபாத்தின் ராஜிவ் காந்தி சர்வதேச ஸ்டேடியத்தில் மோதியது. இதில் டாஸ் வென்ற டெல்லி அணி கேப்டன் டேவிட் வார்னர், முதலில் பேட்டிங் தேர்வு செய்தார்.

இதன்படி, டெல்லி அணியில் முதலில் கேப்டன் டேவிட் வார்னர் மற்றும் பிலிப் சால்ட் களமிறங்கினர். இவர்கள் இருவரும் ஆட்டமிழந்த நிலையில், அதிரடியாக களமிறங்கிய மணீஷ் பாண்டே மற்றும் அக்சர் படேல் அணிக்கு ரன்களை குவித்தனர். முடிவில், டெல்லி அணி 20 ஓவர்களில் 9 விக்கெட்டுகளை இழந்து 144 ரன்கள் எடுத்தது.

இதையடுத்து, 145 ரன்கள் எடுத்தால் வெற்றி என்ற இலக்கில் ஹைதராபாத் அணியில் ஹாரி புரூக், மயங்க் அகர்வால் களமிறங்க, 7 ரன்கள் எடுத்து ஹாரி புரூக் ஆட்டமிழந்தார். ஆனால், அகர்வால் பொறுப்பாக விளையாடி அரைசதம் அடிப்பார் என்று எதிர்பார்க்கப்பட்ட நிலையில் 49 ரன்களுக்கு ஆட்டமிழந்தார். அவரைத்தொடர்ந்து ராகுல் திரிபாதியும் ஆட்டமிழந்தார்.

அதன் பிறகு, அபிஷேக் சர்மா மற்றும் மார்க்ரம் சொற்ப ரன்களுக்கு ஆட்டமிழக்க ஹென்ரிச் கிளாசென், வாஷிங்டன் சுந்தர் இருவரும் இணைந்து அணிக்காக பொறுப்புடன் விளைய்டி தேவையான பந்துகளில் மட்டும் ரன்கள் குவித்து வந்தனர். இந்த நிலையில் 31 அடித்த நிலையில் ஆட்டத்தின் இறுதியில் தனது விக்கெட்டை பறிகொடுத்தார்.

கடைசி ஓவரில் 13 ரன்கள் தேவைப்பட்ட நிலையில் வாஷிங்டன் சுந்தர் களத்தில் நிற்க டெல்லி அணி சிறப்பாக பந்து வீசி, ஹைதராபாத் அணியை ரன்கள் குவிக்க விடாமல் தடுத்தது. இதன்மூலம் டெல்லி அணி, ஹைதராபாத் அணியை 7 ரன்கள் வித்தியாசத்தில் வென்றது.

ஹைதராபாத் அணியில் அதிகபட்சமாக மயங்க் அகர்வால் 49 ரன்களும், ஹென்ரிச் கிளாசென் 31 ரன்களும்,  வாஷிங்டன் சுந்தர் 24* ரன்களும் குவித்துள்ளனர். டெல்லி அணியில் அன்ரிச் நார்ட்ஜே மற்றும் அக்சர் படேல் தலா 2 விக்கெட்டுகளை வீழ்த்தியுள்ளனர்.

author avatar
செந்தில்குமார்
நான் செந்தில்குமார், எலக்ட்ரிக்கல் எலக்ட்ரானிக்ஸ் பிரிவில் டிப்ளமோ முடித்திருக்கிறேன். செய்தி ஊடகத்தின் மீதான ஆர்வத்தினால், ஒரு வருடமாக தினச்சுவடு ஊடகத்தில் பணியாற்றி வருகிறேன். டெக்னாலஜி, க்ரைம், விளையாட்டு, தமிழ்நாடு முதல் உலக செய்திகள் வரை அனுபவம் உள்ளது.
Join our channel google news Youtube