சுவையான ரவா இட்லி செய்வது எப்படி…? வாருங்கள் அறியலாம்!

சுவையான ரவா இட்லி செய்வது எப்படி…? வாருங்கள் அறியலாம்!

தினமும் காலையில் ஏதாவது வித்தியாசமாக குழந்தைகள் மற்றும் வீட்டிலுள்ளவர்களுக்கு சமைத்து கொடுக்க வேண்டும் என்று தான் அனைவரும் விரும்புவார்கள். காலையிலேயே இட்லி செய்து சாப்பிடுவது தென் இந்தியர்களின் வழக்கமான உணவாக மாறிவிட்டது. இந்த இட்லியை எப்படி வித்தியாசமான முறையில், அட்டகாசமான சுவையில் தயாரிப்பது என அறிந்து கொள்ளலாம் வாருங்கள்.

தேவையான பொருட்கள்

  • ரவை
  • தயிர்
  • கொத்தமல்லி
  • உளுந்தம்பருப்பு
  • கடுகு
  • எண்ணெய்
  • சீரகம்
  • கருவேப்பிலை

செய்முறை

ரவை மாவு : ஒரு கிண்ணத்தில் தேவையான அளவு ரவை எடுத்துக் கொண்டு அதனுடன் தயிர் மற்றும் சிறிது உப்பு சேர்த்து, தேவையான அளவு தண்ணீர் ஊற்றி கட்டிகள் இல்லாமல் நன்றாக இட்லி மாவு பதத்திற்கு கலந்து எடுத்து வைத்துக் கொள்ளவும்.

தாளிப்பு : அதன் பின்பு ஒரு கடாயை அடுப்பில் வைத்து தேவையான அளவு எண்ணெய் ஊற்றி, சிறிது நெய் சேர்த்துக் கொள்ளவும். அதன் பின்பு எண்ணெய் சூடானதும் அதில் கடுகு, உளுந்து, கறிவேப்பிலை, சீரகம், மற்றும் பெருங்காயம் சேர்த்து பொன்னிறமாக வரும் வரை வதக்கவும்.

மாவு கலவை : தாளித்த பொருட்கள் அனைத்தையும் ஏற்கனவே தயாரித்து வைத்துள்ள மாவுடன் சேர்த்து நன்றாக கலக்கவும். அதன் பின்பு இதனுடன் சிறிதளவு தண்ணீர் சேர்த்து மாவை சிறிது நேரம் வைத்திருக்கவும். அதன் பின்பு இட்லி தட்டில்இட்லி மாவை ஊற்றி வேக வைக்க வேண்டும். அவ்வளவுதான் அட்டகாசமான ரவா இட்லி வீட்டிலேயே தயார். நிச்சயம் ஒரு முறை செய்து பாருங்கள், அடிக்கடி செய்வீர்கள்.

author avatar
Rebekal
Join our channel google news Youtube