காதல் கதையில் யோகிபாபு.! கதாநாயகியாக லட்சுமி மேனன்.!

யோகிபாபு நாயகனாக நடிக்க இருக்கும் ஒரு காதல் திரைப்படத்தில் லட்சுமி மேனன் நாயகியாக நடிக்க உள்ளாராம்.

தமிழ் சினிமாவில் தற்போது ஹீரோக்களுக்கு இணையாக ஒரு காமெடிநடிகர் கால்ஷீட்களுக்காக படக்குழுவினர் காத்திருக்கிறார்க என்றால் அது நடிகர் யோகி பாபுவுக்காக தான். அந்தளவுக்கு பிசியாக நடித்து வருகிறார். தற்போது வெறும் காமெடி நடிகர் என்று மட்டுமில்லாமல், குணச்சித்திர வேடங்களிலும் அவர் கலக்கி வருகிறார்.

யோகி பாபு நாயகனாக நடித்து வெளியான மண்டேலா திரைப்படம் ரசிகர்களிடேயும், விமர்சகர்களிடமும் நல்ல வரவேற்பை பெற்றது. அதனால் அவரை முன்னணி நடிகராக நடிக்க வைக்கவும் பேச்சுவார்த்தை நடைபெற்று வருகிறது.

தற்போது முருகேஷ் பாபு எனும் அறிமுக இயக்குனர் இயக்கத்தில் யோகி பாபு நடிக்க உள்ளாராம். அந்த படம் காதல் கதையம்சம் கொண்ட படமாக உருவாக உள்ளதாம். காதல் கதை என்றாலும், யோகி பாபுவின் அக்மார்க் காமெடி படமாக இருக்கும் எனவும் கூறப்படுகிறது.

இந்த படத்தில் நாயகியாக நடிக்க லட்சுமி மேனன் ஒப்பந்தமாகியுள்ளாராம். விரைவில் இந்த படம் குறித்த அதிகாரபூர்வ அறிவிப்பு வெளியாகும் என கூறப்படுகிறது.