இதுதான் நேரம்.! வந்துவிடு நண்பா.! கடைசி அத்யாயத்திற்காக ராக்-ஐ அழைத்த வின் டீசல்.!

ஃபாஸ்ட் அண்ட் ஃபியூரியஸ் 10வது பாகத்தில் நடிக்க நடிகர் டிவைன் ஜான்சனை (ராக்) நடிக்க அழைத்து வின் டீசல் கடிதம் எழுதியுள்ளார்.

உலகம் முழுக்க கோடிக்கணக்கான ரசிகர்களால் கவரப்படும் திரைப்பட சீரிஸ்களில் முக்கியமானது ஃபாஸ்ட் அண்ட் ஃபியூரியஸ் இது வரை ஒன்பது பாகங்கள் வெளியாகி சக்கைபோடு போட்டுவிட்டன. அடுத்தது கடைசி பாகமாக 10வது பாகம் தயாராக உள்ளது.

இதில் ஃபாஸ்ட் அண்ட் ஃபியூரியஸ் 5வது பாகமான ஃபாஸ்ட் ஃபைவ் திரைப்படத்தில் இருந்துதான் இந்த படத்திற்கு இந்தியாவில் மாபெரும் மார்க்கெட் உருவானது. அதில் இருந்து, இந்திய மார்க்கெட்டை குறிவைத்தே இந்த திரைப்படம் இந்திய மசாலா கமர்சியல் திரைப்படம் போல, ரேஸிங், செண்டிமெண்ட், ஆக்சன், காமெடி என கலந்துகட்டி அடித்து வருகின்றனர். அந்த பாகத்தில் இருந்து தான் WWF புகழ் ராக் என அழைக்கப்படும் டிவைன் ஜான்சன் இந்த குழுவில் இணைந்தார். அது படத்திற்கு மேலும் பலத்தை கூட்டியது.

ஆனால், சில பக்கங்களே தொடர்ந்த ராக், கடைசியாக வெளியான பாகத்தில் இல்லை. அடுத்து வர இருக்கும் கடைசி பாகத்தில் நம்ம ராக்-ஐ ஃபாஸ்ட் அண்ட் ஃபியூரியஸ் கதாநாயகன் வின் டீசல் நடிப்பதற்கு அழைத்துள்ளார். அவர் வெளிப்படையாக ஒரு கடிதம் எழுதியுள்ளார். அதில், நாம் சேரும் நேரம் வந்துவிட்டது. ஃபாஸ்ட் 10கான நேரம் வந்துவிட்டது. வந்து சேர்ந்துவிடு நண்பா. என உருக்கமாக அழைப்பு கடிதம் எழுதியுள்ளார் வின் டீசல். இந்த கடிதம் இணையத்தில் வைரலாக பரவி வருகிறது.