படத்தில் வில்லன்…நிஜத்தில் மாமனிதன்! விடைபெற்றார் டேனியல் பாலாஜி !

#image_title

DanielBalaji : திரைப்பட நடிகர் டேனியல் பாலாஜி தனது 48 வயதில் மாரடைப்பால் காலமானார் அன்னாரது நல்லடக்கம் தற்போது நடைபெற்று முடிந்துள்ளது.

நேற்றைய தினமான மார்ச் – 29 ம் தேதி இரவு 1 மணி அளவில் நடிகர் டேனியல் பாலாஜி மாரடைப்பு ஏற்பட்டு மருத்துவமனை செல்லும் வழியில் தனது 48 வயதில் அகால மரணமடைந்தார். இதனால் ஒட்டு மொத்த தமிழ் திரை உலகமே சோகத்தில் ஆழ்ந்தது. நடிகர்களும் பல பிரபலங்களும், நேரிலும் சமூகத்தளத்திலும் அவருக்கு அவருக்கு இறுதி மரியாதையை செய்து வந்தனர்.

மேலும், மறைந்த நடிகர் டேனியல் பாலாஜியின் உடல் பொதுமக்களின் அஞ்சலிக்காக கீழ்பாக்கத்தில் உள்ள அவரது இல்லத்தில் இன்று காலை கொண்டு வரப்பட்டு மாலை வரை வைக்கப்பட்டிருந்த நிலையில் தற்போது, ஓட்டேரியில் உள்ள மின் மயானத்தில் டேனியல் பாலாஜியின் உடல் நல்லபடியாக அவரது உறவினர்களாளல் தகனம் செய்யப்பட்டது.

அவர் உயிரோடு இருக்கும் போது வில்லனாக பல படங்களில் நடித்தாலும் நிஜ வாழ்க்கையில் தனது சொந்த செலவில் கோவில், இயலாதவர்களுக்கு பண உதவி, படிப்பு உதவி என சுற்றி உள்ள அனைவரையும் நல்ல படியாக பார்த்து கொண்டார். மேலும், இறந்த பிறகும் ஒரு மனிதனால் செய்ய கூடிய கடைசி உதவியாக இருக்கும் கண் தானமும் அவர் செய்துள்ளார்.

இப்படி பட்ட ஒரு நல்ல மனிதரும், நடிகரும் நம்மை விட்டு சென்றாலும் அவரது நல்ல செயல்களாலும், அவரது படங்களின் மூலமும் நம்மோடு எப்போதும் அவர் நீங்காது வாழ்ந்து கொண்டுதான் இருப்பார்.