விருமன் படத்தின் ரிலீஸ் தேதி மாற்றம்.! கொண்டாட்டத்தில் ரசிகர்கள்.!

முத்தையா இயக்கத்தில் நடிகர் கார்த்தி நடிப்பில் உருவாகியுள்ள திரைப்படம் விருமன். இந்த படத்தில் கார்த்திக்கு ஜோடியாக நடிகை அதிதி ஷங்கர் நடித்துள்ளார். படத்தை 2 டி நிறுவனம் தயாரிக்க படத்திற்கு இசையமைப்பாளர் யுவன் சங்கர் ராஜா இசையமைத்துள்ளார்.

கிராமத்தில் நடக்கும் ஒரு காதல் கதையை மையமாக வைத்து இந்த படம் உருவாகியுள்ளது. கொம்பன் படத்திற்கு பிறகு கார்த்தி – முத்தையா கூட்டணியில் உருவாகும் இரண்டாவது திரைப்படம் இது என்பதால், படத்தின் மீது பெரிய எதிர்பார்ப்புகள் உள்ளது.

படத்திற்கான படப்பிடிப்பு அனைத்தும் முடிவடைந்து இறுதிக்கட்ட பணிகள் மும்மரமாக நடைபெற்று வருகிறது. முன்னதாக படம் வரும் ஆகஸ்ட் 31-ஆம் தேதி விநாயகர் சதுர்த்தியை முன்னிட்டு வெளியாகும் என அறிவிக்கப்பட்டிருந்தது. ஆனால், தற்போது சில காரணங்களால் ரிலீஸ் தேதி மாற்றம் செய்யப்பட்டுள்ளது.

அதன்படி, இந்த திரைப்படம் ஆகஸ்ட் 31-லிருந்து முன்னதாக, ஆகஸ்ட் 12- ஆம் தேதி வெளியாகும் என கார்த்தி ட்வீட்டர் பக்கத்தில் போஸ்டர் ஒன்றை வெளியீட்டு அறிவித்துள்ளார். 31ஆம் தேதிக்கு முன்பே படம் வெளியாகவுள்ளதால், ரசிகர்கள் உற்சாகத்தில் உள்ளனர்.