நாளை ஓடிடியில் வெளியாகிறது “சலார்” திரைப்படம்.!

salaar ott release date [File Image]

இயக்குனர் பிரசாந்த் நீல் இயக்கத்தில் பிரபாஸ் நடித்து கடந்த மாதம் 22ஆம் தேதி பான் இந்தியா திரைப்படமாக ‘சலார்’ வெளியானது. கலவையான விமர்சனத்தை பெற்றாலும், வசூலில் சாதனை படைத்தது. அதன்படி, உலகம் முழுவதும் பாக்ஸ் ஆபிஸில் ரூ.650 கோடி வசூலித்துள்ளது.

இந்த திரைப்படத்தில் பிரபாஸிற்கு ஜோடியாக நடிகை ஸ்ருதிஹாசன் நடித்துள்ளார். இந்த திரைப்படத்திற்கு கேஜிஎப் திரைப்படத்திற்கு இசையமைத்த ரவி பஸ்ரூர் இசையமைத்துள்ளார். இந்நிலையில், இப்படம் நாளை முதல் நெட்பிளிக்ஸ் OTT தளத்தில் வெளியாகவுள்ளதாக அதிகாரப்பூர்வமாக அறிவிக்கப்பட்டுள்ளது

இதனால், இந்தப்படத்தை மீண்டும் பார்க்க காத்திருந்த பிரபாஸ் ரசிகர்கள் மகிழ்ச்சியில் உள்ளனர். ஜனவரி 15, திங்கட்கிழமை பொங்கல் தினத்தன்று, Netflix இந்தியா தனது 2024 ஆம் ஆண்டிற்கான தெலுங்கு படங்களில் ஓடிடி லிஸ்டை வெளியிட்டது, இதில் சலார் படமும் அடங்கும்.

அதன்படி, தெலுங்கு, கன்னடம், மலையாளம் மற்றும் தமிழ் ஆகிய மொழிகளில் நெட்ஃபிக்ஸ் ஓடிடி தளத்தில் நாளை (ஜனவரி 20 ஆம் தேதி) வெளியிடப்படும் என்று தெரிவிக்கப்பட்டள்ளது. ஆனால், படத்தின் ஹிந்தி பதிப்பின் வெளியீட்டு தேதி குறித்து இன்னும் குறிப்பிடவில்லை.