பிரமாண்டம்.! பிரமாண்டம்.! ரசிகர்களை திக்குமுக்காட வைக்கும் ராஜமௌலியின் அடுத்த பிரமாண்டம் RRR.! ட்ரைலர் இதோ…

பாகுபலி இயக்குனர் S.S.ராஜமௌலி இயக்கத்தில் ஜனவரி 7ஆம் தேதி வெளியாக உள்ள RRR படத்தின் ட்ரைலர் இன்று வெளியாகி உள்ளது. 

பாகுபலி எனும் பிரமாண்ட திரைப்படங்களை ரசிகர்களுக்கு கொடுத்து உலக சினிமாவையே திரும்பி பார்க்கவைத்தவர் இயக்குனர் S.S.ராஜமௌலி. இவரது இயக்கத்தில் அடுத்து என்ன பிரமாண்டம் வெளியாகி ரசிகர்களை ஆச்ரயப்படுத்த போகிறதோ என எதிர்பார்த்து காத்திருக்கையில் RRR எனும் பிரம்மாண்டத்தை அறிவித்தார் ராஜமௌலி.

இந்த RRR-இல் தெலுங்கு சினிமாவின் முன்னணி நடிகர்களான ஜூனியர் NTR, ராம் சரண், பாலிவுட் நடிகர் அஜய் தேவ்கன், ஆலியா பட், கோலிவுட்டில் இருந்து சமுத்திரக்கனி என திரை பிரபலங்கள் பலர் நடித்துள்ளனர்.

இந்த படம் எப்போது வெளியாகும் என ரசிகர்கள் எதிர்நோக்கி காத்திருந்து, சில தடவை ரிலீஸ் தேதி மாற்றியமைக்கப்பட்டு, இறுதியாக ஜனவரி 7ஆம் தேதி படம் ரிலீஸ் என அறிவித்து விட்டனர்.

இந்த படத்தின் ட்ரைலர் டிசம்பர் 3ஆம் தேதி வெளியாகும் என கூறப்பட்டு வந்த நிலையில், அதுவும் மாற்றப்பட்டு இன்று (டிசம்பர் 9) வெளியாகும் என அறிவிக்கப்பட்ட்டது.

இந்த பிரம்மாண்டத்தின் முன்னோட்டம் எப்போது வெளியாகும் என ரசிகர்கள் காத்துக்கிடந்த நேரத்தில் தற்போது இந்த ட்ரைலர் வெளியாகி ரசிகர்களை வாய்பிளக்க வைத்துள்ளது.

இந்த ட்ரைலர் மூலம், பிரிட்டிஷ் ஆட்சி, சுதந்திர போராட்டம், ஜூனியர் NTR மற்றும் ராம் சரண் இணைந்து போராடுவது என காட்டப்பட்டுள்ளது. ஜூனியர் NTR சொந்த குரலிலேயே தமிழுக்கும் டப்பிங் பேசியுள்ளார். ட்ரைலரை பார்த்த ரசிகர்கள் தியேட்டருக்கு எப்போது வரும் என ஜனவரி 7ஐ எதிர்நோக்கி காத்திருக்கின்றனர்.