இந்த வருட இறுதியில் நம்மை சந்திக்க வருகிறான் ஈவு இரக்கமில்லா ‘ராக்கி’.!

அருண் மாதேஸ்வரன் இயக்கத்தில் வசந்த் ரவி, பாரதிராஜா நடித்துள்ள ராக்கி திரைப்படம் டிசம்பர் 23ஆம் தேதி வெளியாக உள்ளது.

ஒரே ஒரு டீசர் வெளியாகி அந்த டீசர் ரசிகர்களை கவர்ந்து, அடுத்த பட இயக்கும் வாய்ப்பை பெற்றால் கூட ஆச்சர்யமில்லை. இயக்கிய இரண்டாவது படத்திலேயே ஜீனியஸ் இயக்குனர் செல்வராகவனை கதாநாயகனாக்கி, கீர்த்தி சுரேஷை கதையின் நாயகியாக்கி இரண்டாவது படத்தையும் ரிலீசுக்கு தயார் படுத்திவிட்டார்.

அது கூட பரவாயில்லை, தான் இயக்கிய 2 படங்களில் ஒன்று கூட ரிலீஸ் ஆக வில்லை அதற்குள் முன்னணி ஹீரோக்களில் ஒருவரான தனுஷுக்கு கதை கூறி அடுத்த பட வாய்ப்பையும் பெற்றுவிட்டார்.

இத்தனை ஆச்சர்யத்தையும் செய்து காட்டியவர் இயக்குனர் அருண் மாதேஸ்வரன். அவர் இயக்கிய ராக்கி திரைப்படம் எப்போது வெளியாகும் என டீசர் வெளியான நாள் முதல் ரசிகர்கள் காத்துக்கிடக்கின்றனர்.

தரமணி படம் மூலம் ரசிகர்களை கவர்ந்த வசந்த் ரவி இதில் ஹீரோவாக நடித்துள்ளார். பாரதிராஜா முக்கிய கதாபாத்திரத்தில் நடித்துள்ளார். படத்தினை விக்னேஷ் சிவன் – நயன்தாராவின் ரௌடி பிக்ச்சர்ஸ் நிறுவனம் வாங்கியுள்ளது. அந்நிறுவனம் வரும் டிசம்பர் 23ஆம் தேதி படத்தில் தியேட்டரில் வெளியிட உள்ளது என அறிவிப்பு வெளியாகியுள்ளது.