சிங்கப்பூர் சலூன்’ படம் எப்படி இருக்கு? விமர்சனம் இதோ

இதற்கு தானே ஆசைப்பட்டாய் பாலகுமாரா படத்தை இயக்கிய இயக்குனர் கோகுல் அடுத்ததாக ஆர்.ஜே.பாலாஜியை வைத்து சிங்கப்பூர் சலூன் என்ற படத்தை இயக்கி இருக்கிறார். இந்த திரைப்படத்தில் மீனாட்சி சவுத்ரி, ஆன் ஷீத்தல், லோகேஷ் கனகராஜ், கிஷன் தாஸ், சத்யராஜ், ஷிவானி ராஜசேகர், உள்ளிட்ட பல பிரபலங்கள் முக்கியமான கதாபாத்திரங்களில் நடித்துள்ளார்கள்.

இந்த திரைப்படத்தினை வேல்ஸ் நிறுவனம் தயாரிக்கிறது படத்திற்கு இசையமைப்பாளர் விவேக்-மெர்வின் இசையமைத்து இருக்கிறார். இந்த திரைப்படத்திற்கான ட்ரைலர் ஏற்கனவே வெளியாகி மிகப்பெரிய வரவேற்பை பெற்று படத்தின் மீது இருக்கும் எதிர்பார்பை அதிகமாக்கியது.

விரைவில் தளபதி விஜய்யுடன் இணைந்து பணியாற்றுவேன் – ஆர்.ஜே.பாலாஜி

இந்நிலையில், மிகப்பெரிய எதிர்பார்ப்புகளுக்கு மத்தியில் வெளியான இந்த திரைப்படம் மக்களுக்கு மத்தியில் நல்ல விமர்சனத்தை பெற்று வருகிறது. படத்தின் முதல் பாதியை பார்த்த பலரும் படம் அருமையாக இருப்பதாகவும் நகைச்சுவைக்கு பஞ்சமே இருக்காது எனவும் கூறி வருகிறார்கள்.

இதனையடுத்து, படத்தின் பிரீமியர் ஷோ பத்திரிக்கையாளர்கள் மற்றும் பிரபலங்களுக்கு போட்டுக்காட்டப்பட்டுள்ளது.  அவர்களும் படத்தை பார்த்துவிட்டு தங்களுடைய விமர்சனங்களை கூறிஇருக்கிறார்கள்.

படத்தை பார்த்துவிட்டு ஒருவர் ” சிங்கப்பூர் சலூன் படம் அருமையாக இருக்கிறது. காமெடியில் கலக்கியிருக்கிறார் சத்யராஜ். ஒரு பாரில் நாலு பீர் அடித்து விட்டு சத்யராஜ் பண்ணுற அமர்களம் செம. அந்த காட்சிக்காகவே பல முறை படம் பார்க்கலாம்” என கூறியுள்ளார்.

மற்றோருவர் ” முதல் பாதி முழுக்க வேடிக்கையாகவும், இரண்டாம் பாதி உணர்வுகள் நிறைந்ததாகவும் இருக்கும். நேர்த்தியான எழுத்துடன் கூடிய மிக எளிமையான சதி. ஆர்.ஜே. பாலாஜி படம் முழுக்க அண்டர்ப்ளே செய்தும் நம் கவனத்தை ஈர்க்கிறார். அரவிந்த் சுவாமி கேமியோ மனதைத் தொடுகிறது. மொத்தத்தில், ஒரு ஒழுக்கமான குடும்ப பொழுதுபோக்கு.

மற்றோருவர் ” சிங்கப்பூர் சலூன் இடைவெளி காட்சி மிகவும் அருமையாக இருக்கிறது.  நகைச்சுவை காட்சி சூப்பர் சத்யராஜ் சார் – அவருடைய ஒவ்வொரு செயலும் மீம் மெட்டிரியலாக மாறும்” என கூறியுள்ளார்.