தனுஷின் அடுத்த சம்பவத்தை பார்க்க ரெடியா? ராயன் படத்தின் டிரைலர் அப்டேட்!!

 ராயன் : நீண்ட நாட்களாக எதிர்பார்க்கப்பட்ட தனுஷின் வரவிருக்கும் படமான ராயன் படத்தின் டிரைலர் அப்டேட் இறுதியாக வெளியாகியுள்ளது.

தனுஷின் எதிர்பார்க்கப்பட்ட திரைப்படமான ராயன் டிரைலர் வெளியீடு (ஜூலை 16) வெளியிடப்படும் என்று படத்தின் தயாரிப்பு நிறுவனம் சன் பிக்ச்சர்ஸ் நிறுவனம் அறிவித்துள்ளது. ஜூலை 26 அன்று பிரம்மாண்ட திரையரங்குகளில் வெளியிட திட்டமிடப்பட்டுள்ள இந்த திரைப்படத்தின் டிரைலர் வெளியாகவுள்ள அறிவிப்பை பார்த்த ரசிகர்கள் மகிழ்ச்சியில் உள்ளனர்.

Here we go, the much-awaited #RaayanTrailer from July 16th! 🔥#Raayan in cinemas from July 26 💥@dhanushkraja @arrahman @iam_SJSuryah @selvaraghavan @kalidas700 @sundeepkishan @prakashraaj @officialdushara @Aparnabala2 @varusarath5 #Saravanan @omdop @editor_prasanna… pic.twitter.com/oTQkfF7RQJ

— Sun Pictures (@sunpictures) July 14, 2024

பா பாண்டி படத்தைத் தொடர்ந்து, ராயன் தனுஷின் இரண்டாவது இயக்கமாகும். தனுஷ் தவிர, படத்தில் கலிதாஸ் ஜெயராம், சுந்தீப் கிஷன், துஷாரா விஜயன், அபர்ணா பாலமுரளி, வரலக்ஷ்மி சரத்குமார், எஸ்.ஜே.சூர்யா, செல்வராகவன் மற்றும் பிரகாஷ் ராஜ் முக்கிய கதாபாத்திரங்களில் நடித்துள்ளனர்.

இசையமைப்பாளர் ஏ.ஆர்.ரஹ்மான் இந்த படத்திற்கு இசையமைக்கிறார்.செல்வராகவன் இந்த கதை எழுதினார் என்ற செய்திகளை எதிர்த்து, தனுஷின் கதை மற்றும் திரைக்கதை அடிப்படையிலான படம்தான் ராயன் என ஏற்கனவே, அறிவிக்கப்பட்டும்விட்டது.

ஆக்ஷன் காட்சிகளை கொண்ட ஒரு கேங்க்ஸ்டர் படமாக அமைந்துள்ள ராயன், சென்சார் சான்றிதழில் A சான்றிதழை பெற்றது. இது வடசென்னை படத்தை தொடர்ந்து தனுஷுக்கு இப்படி ஒரு தரவரிசை பெற்ற இரண்டாவது படம் ஆகும். படத்தின் தொழில்நுட்பக் குழுவில் ஒளிப்பதிவாளர் ஓம் பிரகாஷ் மற்றும் எடிட்டர் பிரசன்னா ஜி.கே. இருக்கிறார்கள் என்பதும் குறிப்பிடத்தக்கது.