தயாரிப்பாளர்கள் சங்க போராட்டம் தொடரும்!

தயாரிப்பாளர்கள் சங்கம் சார்பில், ஐதராபாத்தில் நடைபெற்ற பேச்சுவார்த்தை தோல்வியடைந்துள்ளதால், போராட்டம் தொடரும் என  அறிவித்துள்ளது. டிஜிட்டல் முறையில் படங்களை திரையிடுவதற்கான கட்டணங்களை குறைக்க வலியுறுத்தி, ஒன்றாம் தேதி முதல் படதயாரிப்பாளர்கள் வேலை நிறுத்தத்தில் ஈடுபட்டுள்ளதால், பல புதிய படங்கள் வெளியாகவில்லை.

இந்நிலையில், தயாரிப்பாளர் சங்க தலைவர் விஷால் வெளியிட்ட அறிக்கையில், ‘ஐதராபாத்தில் நடைபெற்ற பேச்சுவார்த்தையில் தாங்கள் வைத்த கோரிக்கைகள் ஏற்கப்படவில்லை என்று கூறப்பட்டுள்ளது. சுமூக உடன்படிக்கை ஏற்படாததால்,  நியாயமான கோரிக்கைகள் நிறைவேறும் வரை புதிய படங்கள் வெளியிடுவதில்லை என்ற முடிவு தொடரும் என்று குறிப்பிட்டுள்ளார்.

மேலும் செய்திகளுக்கு தினச்சுவடுடன் இணைந்திருங்கள்.