ப்ரமோஷனுக்காக சென்னையில் தேடுதல் வேட்டை விளையாட்டை நடத்தும் படக்குழு!

தமிழ் திரையுலகில் தற்போது படங்களை மக்களிடம் கொண்டு சேர்க்க வித்தியாசமான ப்ரோமோஷன்களை தமிழ் பட தயாரிப்பு நிறுவனங்கள் செய்து வருகின்றன.

அந்த வகையில் தற்போது பன்றிக்கு நன்றி சொல்லி எனும் படத்தின் குழு படத்தின் ப்ரோமோஷனுக்காக வித்தியாசமான யோசனையை கையாண்டுள்ளது. அதாவது கல்லூரி மாணவர்களிடையே பிரபலமான ட்ரெஸர் ஹண்ட் எனப்படும் தேடுதல் வேட்டை விளையாட்டை சென்னையில் நடத்த உள்ளது.

இந்த விளையாட்டின் படி அதாவது ஒரு சொல் அல்லது வாக்கியம் என ஏதேனும் ஒன்றை வெவ்வேறு இடத்தில ஒவ்வொரு ஹிண்டாக வைத்து இருப்பர். ஒவ்வொரு இடத்தில் ஒன்றை கண்டு பிடித்ததும் அதில் அடுத்த இடத்திற்க்கான குறிப்பு இடம் பெற்றிருக்கும். இந்த விளையாட்டு பற்றிய அறிவிப்பு விரைவில் வெளியாகும் என படக்குழு அறிவித்துள்ளது.

இந்த படமும் புதையல் கண்டுபிடிப்பை மையமாக கொண்டு உருவாக்கப்பட்டுள்ளதால் இந்த விளையாட்டை கொண்டு படத்தை ப்ரமோட் செய்கிறது படக்குழு!